نیویارک۔22 ستمبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار نیویارک اچ اقوامِ متحدہ دی جنرل اسمبلی دے 81ویں اجلاس دے موقع تے جاپان دے وزیرِ خارجہ توشی متسو موتیگی نال ملاقات کیتی ڄیندے اچ ݙو طرفہ تعاون ٻیا ودھاوݨ دے طریقیاں تے الیندے ہوئے تجارت و سرمایہ کاری، تعلیم، صحت، آٹو موبائل شعبے اتے ڈیجیٹل آئی ٹی تعاون تے زور ݙتا ڳیا۔ ملاقات اچ مشرقِ وسطیٰ دی …
نائب وزیراعظم و وزیرِ خارجہ اسحاق ڈار دی جاپان دے وزیرِ خارجہ نال ملاقات
نیویارک۔22 ستمبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار نیویارک اچ اقوامِ متحدہ دی جنرل اسمبلی دے 81ویں اجلاس دے موقع تے جاپان دے وزیرِ خارجہ توشی متسو موتیگی نال ملاقات کیتی ڄیندے اچ ݙو طرفہ تعاون ٻیا ودھاوݨ دے طریقیاں تے الیندے ہوئے تجارت و سرمایہ کاری، تعلیم، صحت، آٹو موبائل شعبے اتے ڈیجیٹل آئی ٹی تعاون تے زور ݙتا ڳیا۔ ملاقات اچ مشرقِ وسطیٰ دی صورتحال سودھا علاقائی اتے عالمی پیش رفت تے وی الایا۔ جاپانی وزیرِ خارجہ علاقائی امن اتے استحکام کیتے پاکستان دی سفارتی اتے ثالثی دیاں کوششاں کوں سراہیا۔ ݙوہائیں فریقاں امید کیتی جو سارے فریق ول مذاکرات تے ول آسن اتے اسلام آباد مفاہمت دی یادداشت تے عملدرآمد کیتے اقدامات کریسن۔ ݙوہائیں فریقاں توانائی دی فراہمی، سپلائی چینز اتے عالمی معیشت تے صورتحال دے اثرات تے وی الایا۔ ݙوہائیں وزرائے خارجہ ݙو طرفہ روابط دی رفتار برقرار رکھݨ اتے باہمی مفاد دے شعبیاں اچ تعاون ٻیا ودھاوݨ دا عزم دوہرایا۔
