اسلام آباد۔ 20 جنوری (اے پی پی) وزیرِ اعظم محمد شہباز شریف ورلڈ اکنامک فورم (ڈبلیو ای ایف) دی سالانہ کانفرنس 2026 اچ شرکت کیتے ڈیووس، سوئٹزرلینڈ روانہ تھی ڳئن۔ منگل کوں وزیراعظم آفس دے میڈیا ونگ ولوں جاری بیان دے مطابق نائب وزیرِ اعظم و وزیر خارجہ محمد اسحاق ڈار، وفاقی وزیرِ اقتصادی امور احد چیمہ، وفاقی وزیرِ اطلاعات عطاء اللہ تارڑ، معاون خصوصی طارق فاطمی تے ٻئے سینئر …
وزیرِ اعظم شہباز شریف ورلڈ اکنامک فورم دی سالانہ کانفرنس اچ شرکت کیتے ڈیووس روانہ تھی ڳئن
اسلام آباد۔ 20 جنوری (اے پی پی) وزیرِ اعظم محمد شہباز شریف ورلڈ اکنامک فورم (ڈبلیو ای ایف) دی سالانہ کانفرنس 2026 اچ شرکت کیتے ڈیووس، سوئٹزرلینڈ روانہ تھی ڳئن۔ منگل کوں وزیراعظم آفس دے میڈیا ونگ ولوں جاری بیان دے مطابق نائب وزیرِ اعظم و وزیر خارجہ محمد اسحاق ڈار، وفاقی وزیرِ اقتصادی امور احد چیمہ، وفاقی وزیرِ اطلاعات عطاء اللہ تارڑ، معاون خصوصی طارق فاطمی تے ٻئے سینئر حکام وی سرکاری دورے اچ وزیراعظم دے نال ہن۔ ورلڈ اکنامک فورم دی سالانہ کانفرنس (19 توں 23 جنوری 2026) اچ شرکت دے علاوہ وزیر اعظم محمد شہباز شریف دی اہم سفارتی تے اقتصادی مصروفیات وی ہوسن ۔ او مختلف سربراہانِ مملکت تے حکومت تے بین الاقوامی تنظیماں دے قائدین نال ݙوپاسہ ملاقاتاں کریسن ۔ دورے دے دوران بزنس راؤنڈ ٹیبل وی تھیسی جیندے اچ عالمی سطح دی نمایاں کمپنیاں دے رہنما شریک ہوسن جیہڑے پاکستان اچ سرمایہ کاری اچ دلچسپی رکھیندے۔
