وفاقی وزیر سید عمران احمد شاہ دی صدارت اچ رمضان ریلیف پیکیج 2026 تے عملدرآمد تے انتظامی تیاریاں دا جائزہ اجلاس

اسلام آباد۔ 18 فروری (اے پی پی) وزیراعظم محمد شہباز شریف دی ہدایات تے وفاقی وزیر تخفیفِ غربت و سماجی تحفظ سید عمران احمد شاہ دی زیرِ صدارت رمضان ریلیف پیکیج 2026 تے عملدرآمد تے انتظامی تیاریاں دا جائزہ گھنݨ کیتے اجلاس تھئے ۔ وفاقی وزیر ہدایت کیتی اے جو سٹیٹ بینک اڄ توں ہی رمضان ریلیف دی رقم کریڈٹ کرݨ دا کم شروع کرے تے پہلی رمضان کوں سارے بینکاں دی مکمل دستیابی کوں یقینی بݨایا ونڄے تاں جو مستحقین کوں رقم ݙیوݨ وچ کوئی رکاوٹ نہ آوے۔ سید عمران احمد شاہ رابطے دے نظام کوں بہتر بݨاوݨ کیتے فوکل پرسنز دا واٹس ایپ گروپ بݨاوݨ دی وی ہدایت کیتی اے۔ وفاقی وزیر بی آئی ایس پی کوں ہدایت کیتی اے جو کنٹرول روم کوں رمضان دے پہلے عشرے وچ 24 گھنٹے فعال رکھیا ونڄے۔ اجلاس وچ نادرا، سٹیٹ بینک، وزارتِ اطلاعات، بی آئی ایس پی تے بینکاں دے نمائندیں شرکت کیتی اے۔