پی ٹی آئی حالی وی سوچ ڳھنے، وفاقی دارالحکومت تے دھاوا ٻولݨ والیاں کوں سخت نتائج ٻھوڳݨے پوسن، محسن نقوی

پشاور۔21 ستمبر(اے پی پی)لاہور اچ پریس کانفرنس کریندے ہوئیں وزیرِ داخلہ محسن نقوی پی ٹی آئی کوں چتاوݨی ݙتی اے جو او اسلام آباد تے دھاوا ٻولݨ دا پروگرام ملتوی کر ݙیوݨ، ایندا کہیں کوں کوئی وی فیدہ نا تھیسی، ایں واری اے نا تھیسی جو او آون اتے ملک 10 توں 20 ڈینھ کیتے بند تھی ونڄے، ڄیکر انہاں اپݨا ارادہ نا بدلیا تاں اسلام آباد ہائیکورت دا حکم موجود اے اتے ایں سانڳے حکومت عدالتی حکم تے پورا عمل کریسی۔ انہاں دا آکھݨ ہئی جو پی ٹی آئی دے لوکاں کوں اے وی پتا کائنی جو انہاں دا مطالبہ کیا اے، ڄیکر او بانی پی ٹی آئی دے چیک اپ دا آہدن تاں چیک اپ کل رات وی تھئے، بانی پی ٹی آئی دے علاج کیتے قانون دے مطابق ہر اقدام چیسوں۔ انہاں آکھیا جو پی ٹی آئی دی لیڈرشپ دے زیادہ تر لوکلانگ مارچ نئیں کرݨا چاہندے، اینڄھا رستہ نا اپنا ونڄے جتھو ول ونڄݨ دا راہ وی نا ملے، اینڄھے ڈرامیاں نال کڄھ نئیں ملݨا، ساݙی صلاح اے جو اپݨا اتے اپݨے لوکاں دا نقصان نہ کرو، سومنات دیاں بڑھکاں نال فرق نئیں پوندا، لانگ مارچ کیتے آئے تاں اساں وی کوئی کسر نا چھڑیسوں۔ وزیر داخلہ آکھیا جو ہنگو دے شہداء دے جنازیاں اچ وزیراعلیٰ خیبرپختونخوا اتے کوئی وزیر کوئنا ہا، کہیں کوں اینڄھی بے حسی دی انتہا تے ویندا نئیں ݙٹھا۔ محسن نقوی آکھیا جو پٹرول دیاں قیمتاں اچ رد و بدل عالمی مارکیٹ نال جڑیا ہوئے، عوام نویں صوبیاں دی بھرپور حمایت کریندے پئن، اڄیکر اللہ چاہیا تاں نویں صوبے ضرور ٻݨسن۔