خدیجۃ الکبریٰ امام بارگاہ ترلائی تے دہشت گرد حملے اچ شہید تھیوݨ آلیاں دے اہل خانہ کوں وزیراعظم ولوں اعلان کیتی ڳئی امدادی رقم دے چیک ادا

اسلام آباد۔19 فروری (اے پی پی) خدیجۃ الکبریٰ امام بارگاہ ترلائی اسلام آباد تے 6 فروری کوں تھیوݨ آلے دہشت گرد حملے اچ شہید تھیوݨ آلیاں دے اہل خانہ کیتے وزیراعظم محمد شہباز شریف ولوں اعلان کیتی ڳئی امدادی رقم دے چیک پیش کر ݙتے گئن۔ خمیس کوں وزیراعظم آفس دے میڈیا ونگ توں جاری بیان دے مطابق اسلام آباد نال تعلق رکھݨ آلے 36 شہداء دے وارثاں کوں امدادی چیک پڄائے ڳئے، ہر شہید دے وارثاں کوں پنجاہ لکھ روپے دے چیک ݙتے ڳئے، تونسہ شریف، تلہ گنگ، استور تے سکردو نال تعلق رکھݨ آلے 4 شہداء دے لواحقین کوں چیک پڄائے ویندے پئن۔ وزیراعظم 11 فروری کوں ترلائی امام بارگاہ دے دورے دے موقع تے ہر شہید دے وارثاں کیتے پنجاہ لکھ روپے دی امدادی رقم دا اعلان کیتا ہئی۔