نیویارک۔19 فروری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نیویارک اچ فلسطین نال متعلق اقوام متحدہ سلامتی کونسل دے اعلیٰ سطح اجلاس دے موقع تے مصر دے وزیرِ خارجہ بدر عبد العاطی نال ملاقات کیتی اتے مختلف شعبیاں اچ تعاون تے اطمینان دا اظہار کریندیں ہوئیں قریبی رابطہ برقرار رکھݨ دا اعادہ کیتا۔ خمیس کوں دفتر خارجہ توں جاری بیان دے مطابق ملاقات دے …
نائب وزیراعظم محمد اسحاق ڈار دی نیویارک اچ فلسطین بارے اجلاس دے موقع تے مصر دے وزیر خارجہ بدر عبد العاطی نال ملاقات
نیویارک۔19 فروری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نیویارک اچ فلسطین نال متعلق اقوام متحدہ سلامتی کونسل دے اعلیٰ سطح اجلاس دے موقع تے مصر دے وزیرِ خارجہ بدر عبد العاطی نال ملاقات کیتی اتے مختلف شعبیاں اچ تعاون تے اطمینان دا اظہار کریندیں ہوئیں قریبی رابطہ برقرار رکھݨ دا اعادہ کیتا۔ خمیس کوں دفتر خارجہ توں جاری بیان دے مطابق ملاقات دے دوران ݙوہیں رہنماواں ݙوپاسہ تعلقات دا جائزہ گھدا اتے مختلف شعبیاں اچ جاری تعاون تے اطمینان دا اظہار کریندیں ہوئیں قریبی رابطے دی اہمیت دا اعادہ کیتا۔ انہاں غزہ، مغربی کنارے تے خطے دی مجموعی صورتحال تے وی ڳالھ کیتی اتے بین الاقوامی قوانین دی پاسداری تے فوری و بلا رکاوٹ انسانی امداد دی فراہمی دی لوڑھ تے زور ݙتا۔
