واشنگٹن۔ 20 فروری (اے پی پی) وزیراعظم محمد شہباز شریف دی واشنگٹن اچ منعقدہ بورڈ آف پیس دے افتتاحی اجلاس اچ شرکت کیتے آئے ہوئے عالمی رہنماواں نال خوشگوار ماحول اچ غیر رسمی ملاقاتاں تھین۔ وزیراعظم آفس دے میڈیا ونگ ولوں جمعے کوں جاری بیان دے مطابق وزیراعظم دی بحرین دے فرمانروا شاہ حماد بن عیسیٰ الخلیفہ، آذربائیجان دے صدر الہام علیوف، ازبکستان دے صدر شوکت مرزایوف، قازقستان دے صدر …
وزیراعظم شہباز شریف دی واشنگٹن اچ عالمی رہنماواں نال غیر رسمی ملاقاتاں
واشنگٹن۔ 20 فروری (اے پی پی) وزیراعظم محمد شہباز شریف دی واشنگٹن اچ منعقدہ بورڈ آف پیس دے افتتاحی اجلاس اچ شرکت کیتے آئے ہوئے عالمی رہنماواں نال خوشگوار ماحول اچ غیر رسمی ملاقاتاں تھین۔ وزیراعظم آفس دے میڈیا ونگ ولوں جمعے کوں جاری بیان دے مطابق وزیراعظم دی بحرین دے فرمانروا شاہ حماد بن عیسیٰ الخلیفہ، آذربائیجان دے صدر الہام علیوف، ازبکستان دے صدر شوکت مرزایوف، قازقستان دے صدر قاسم جومارت توکایف تے انڈونیشیا دے صدر پرابوو سوبیانتو نال غیر رسمی ملاقاتاں تھین جیندے اچ اہم عالمی تے علاقائی معاملیاں تے گالھ مہاڑ کیتی ڳئی۔ انھاں ملاقاتاں دے دوران دوستانہ مصافحے تے جپھیاں پاتیاں ڳیاں، مسکراہٹاں دا تبادلہ تھیا اتے ہک ٻئے دا حال احوال پچھیا ڳیا۔ واضح راہوے جو وزیراعظم شہباز شریف امریکی صدر ڈونلڈ ٹرمپ دی دعوت تے بورڈ آف پیس دے اجلاس اچ شرکت کیتے واشنگٹن اچ موجود ہن۔ پاکستان دی بورڈ آف پیس اچ شمولیت غزہ اچ امن دے قیام تے عالمی امن کیتے پاکستان دی کوششاں دی کامیابی دی علامت اے۔
