اسلام آباد۔14مارچ(اے پی پی) وفاقی وزیر ریلوے محمد حنیف عباسی خیبر پختونخوا لکی مروت وچ دہشت گرداں دے خلاف کامیاب کارروائی کرݨ تے کاؤنٹر ٹیررازم ڈیپارٹمنٹ (سی ٹی ڈی) کوں خراجِ تحسین پیش کیتے۔ بیان وچ وزیر ریلوے سی ٹی ڈی اہلکاراں دی بہادری تے پیشہ ورانہ مہارت دی تعریف کریندے آکھیا جو سکیورٹی فورسز دہشت گرداں دے خلاف کامیاب آپریشن کیتا جیندے وچ 6 دہشت گرد ہلاک تھئن۔ انھاں …
وفاقی وزیر ریلوے حنیف عباسی دا لکی مروت وچ دہشت گرداں دے خلاف کامیاب کارروائی تے سی ٹی ڈی کوں خراجِ تحسین
مزید خبراں
اسلام آباد۔14مارچ(اے پی پی) وفاقی وزیر ریلوے محمد حنیف عباسی خیبر پختونخوا لکی مروت وچ دہشت گرداں دے خلاف کامیاب کارروائی کرݨ تے کاؤنٹر ٹیررازم ڈیپارٹمنٹ (سی ٹی ڈی) کوں خراجِ تحسین پیش کیتے۔ بیان وچ وزیر ریلوے سی ٹی ڈی اہلکاراں دی بہادری تے پیشہ ورانہ مہارت دی تعریف کریندے آکھیا جو سکیورٹی فورسز دہشت گرداں دے خلاف کامیاب آپریشن کیتا جیندے وچ 6 دہشت گرد ہلاک تھئن۔ انھاں آکھیا جو دہشت گردی دے خلاف جنگ وچ خیبر پختونخوا دے سی ٹی ڈی جیڑھی بہادری تے لگن دا مظاہرہ کیتے او قابلِ ستائش اے۔ انھاں آکھیا جو پوری قوم اپݨے بہادر سکیورٹی اہلکاریں تے ماݨ کریندی اے جیڑھے ملک وچ امن و استحکام کیتے بے پناہ قربانیاں ݙیندے پئن۔ محمد حنیف عباسی آکھیا جو دہشت گردی دے خلاف جدوجہد ایندے منڈھوں خاتمے تئیں جاری رہسی۔ انھاں ایں عزم کوں دہرایا جو پاکستان دے عوام عسکریت پسندی دے خلاف جاری جنگ وچ اپݨی سکیورٹی فورسز دے نال مکمل طور تے کھڑن۔ وفاقی وزیر قانون نافذ کرݨ آلے اداریں دی پیشہ ورانہ قابلیت دی وی تعریف کیتی تے یقین ݙیوایا جو ایجھی کامیاب کارروائیاں دہشت گردی مکاوݨ کیتے قومی کوششاں کوں مزید تکڑا کریسن۔
