اسلام آباد ۔ 29 اپریل (اے پی پی)عالمی بینک اپنڑی رپورٹ ”دی گروتھ آﺅٹ لک فار 2016“ وچ پاکستان دی مجموعی قومی پیداوار (جی ڈی پی) وچ4.5 فیصد تائیں ودھارے دی پیش گوئی کیتی ہے جڈانجو گزریل مالی سال دے دوران جی ڈی پی دی شرح نمو 4.2 فیصد ہائی۔ رپورٹ دے مطابق اجوکے مالی سال دے دوران وڈے صنعتی اداریاں دی شرح ترقی 4 توں 4.5 فیصد جڈانجو خدمات دے شعبے دی شرح نمو 5 فیصد تائیں ودھاونڑ دا امکان ہے۔ عالمی بینک دی رپورٹ دے مطابق اجوکے سال ملک وچ کپاہ دی گھٹ پیداوار دی وجہ نال زرعی شعبے دی شرح ترقی 2 توں 2.5 فیصد رہونڑ دا امکان ہے جیرھی گزریل سال 2.9 فیصد ریکارڈ کیتی گئی ہائی ۔ عالمی بینک آکھیا اے جو حکومت دی دانشمندانہ اقتصادی پالیسیاں نال جی ڈی پی دی شرح ترقی وچ ہر سال ودھارا تھیندا پئے جیہڑا ملکی معیشت دی ترقی دا مثبت رجحان ہے۔
