اسلام آباد ۔ 21 اگست (اے پی پی)وزیراعظم دے مشیر ڈاکٹرعبدالحفیظ شیخ دی زیرصدارت کابینہ دی کمیٹی برائے نجکاری اوجی ڈی سی ایل اچ عوامی پیشکش نال 7 فیصد تئیں حکومتی حصص ویچنڑ دی منظوری ڈیندے ہوئے ایں سانگے مالیاتی مشیردی تقرری دی ہدایت کیتی۔اجلاس اچ 747 میگاواٹ بجلی دی پیداواردے گدوپاورپلانٹ دی نجکاری دی منظوری ڈتی گئی ،ایں نجکاری اچ سہولت کاری کیتے ساریاں وزارتاں اتے ڈویژنز کوں گدوپاورپلانٹ سانگے مسلے حل کرنڑ دی وی ہدایت کیتی گئی۔اجلاس اچ پاکستان پیٹرولیم لمیٹڈ اچ حکومت پاکستان دے 10 فیصد حصص دی عوامی پیشکش نال فروخت دی وی منظوری تھئی ۔کمیٹی ایوی ایشن ڈویژن دی سفارش تے ہدایت کیتی جو ہوٹل روزویلٹ، مین ہیٹن نیویارک سانگے میسرز ڈولائیٹ دی رپورٹ نیویارک اچ اقتصادی اتے تجارتی سرگرمیاں دی بحالی تئیں موخر رکھی ونجے، رپورٹ دی اپ گریڈیشن تے 30توں 35 ہزارڈالراخراجات آسن۔ اجلاس اچ سروسزہوٹل لاہور، جناح کنونشن سینٹر، پاکستان ری انشورنس کمپنی لمیٹڈ اچ 20 فیصد حکومتی حصص دی فروخت ، ہاﺅس بلڈنگ فنانس کمپنی اتے فرسٹ ویمن بینک دی ٹرانزیکشن سٹرکچر دی منظوری وی ڈتی گئی۔
