اسلام آباد ۔ 9 اگست (اے پی پی) قومی ائیر لائن(پی آئی اے) جشن آزادی دے موقع تے مسافراں کیتے خصوصی رعایتی پیکج دا اعلان کیتے۔ ترجمان پی آئی اے عبداللہ خان موجب پی آئی اے 73 ویں یوم آزادی دے موقع تے وڈی رعایت دا اعلان کیتے ۔ 14 اگست جشن آزادی پیکج دے طور تے کراچی، اسلام آباد اتے لاہور وچال کرائے اچ 14 فیصد رعایت ہو سی۔ ترجمان ڈسائے جو سامان دی مد اچ وی غیر معمولی رعایت دا اعلان کیتا گئے ۔ملک دے 73 ویں یوم آزادی دی نسبت نال ہر مسافر 73 کلو سامان اپنڑے نال مفت گھن تے ونج سگسے ۔ ترجمان آکھیے جو اے سکیم 7 اگست توں 14 اگست 2020 تئیں لاگو رہسی ۔ پی آئی اے ملتان، سکھر، گوادر توں یوم ازادی دے موقع تے فلائٹ آپریشن بحال کرنڑ دا وی اعلان کرڈتے ۔ 13 اگست توں ملتان، سکھر اتے گوادر کوں پروازاں دے ذریعے ملک دے بئے شہراں نال رلایا ویسی ۔ جشن آزادی پیکج دا مقصد تاریخی ڈینھ تے لوکاں اچ خوشیاں ونڈنڑ اے ۔
