اسلام آباد۔22جنوری(اے پی پی)صدر مملکت ڈاکٹر عارف علوی دی اہلیہ بیگم ثمینہ عارف علوی آکھیے جو احساس کفالت پروگرام دے تحت فروری توں خصوصی ٻالاں دے والدین دی معاونت کیتی ویسی،خصوصی ٻالیں دی انفرادی ضرورتاں موجب ووکیشنل ٹریننگ کیتے متعلقہ اداریاں نال رل تے کم کریندے پیئوں۔اے ڳالھ انہاں جمعہ کوں خصوصی لوکاں دی فائونڈیشن دے دورہ دے موقع تے آکھی اے ۔ بیگم ثمینہ عارف علوی کوں جسمانی اتے ذہنی طور تے معذور ٻالیں دی بحالی کیتے اقدامات تے بریفنگ ݙتی ڳئی ۔ بریفنگ وچال ݙسایا گیا جو خصوصی بالاں دیاں انفرادی ضرورتاں مطابق تعلیم و تربیت اتے تھراپی کیتی ویندی اے ۔ ایں موقع تے ڳالھ مہاڑ کریندے ہوئیں بیگم ثمینہ علوی آکھیے جو احساس کفالت پروگرام موجب فروری توں خصوصی ٻالیں دے ماں پیو دی معاونت کیتی ویسی۔معذور ٻالیں دی رجسٹریشن دے عمل کوں سوکھا بݨاوݨ کیتے ون ونڈو آپریشنز شروع کریندے پیؤں۔ انہاں آکھیے جو کراچی دی بزنس کمیونٹی نال رل تے خصوصی ٻالاں دی ووکیشنل ٹریننگ کیتے اقدامات کریندے پیوں ۔
