اسلام آباد۔15فروری(اے پی پی)مہانگ اچ اوکھ وات آئے عوام کیتے خوشخبری اے جو وزیراعظم آندے پندرھواڑے کیتے پٹرولیم مصنوعات دیاں قیمتاں ودھاوݨ بارے اوگرا دی بھیجی ڳئی سمری مسترد کر ݙتی اے۔ اوگرا ہائی سپیڈ ڈیزل دا مل 13 روپے 81پیسے، مٹی دا تیل 10 روپے 79 پیسے، لائٹ ڈیزل آئل 7 روپے 43 پیسے،پٹرول دی قیمت 14 روپے 7 پیسے تئیں ودھاوݨ دی تجویز ݙتی ہئی۔ اوگرا قیمتاں اچ ودھارے کیتے سمری وزیراعظم کوں بھیجی ہئی۔ ایندے تے وزیروزیراعظم عوامی فلاح کوں اڳونہا کریندے ہوئے اوگرا دی تجویز منظور نئیں کیتی۔وزیراعظم عمران خان اوگرا دی پٹرولیم مصنوعات اچ وݙا ودھارا کرݨ دی تجویز رد کریندے ہوئے آکھیے جو حکومت لوکاں کوں سوکھ ݙیوݨ چاہندی اے ایں سانڳے ہر سطح تے اڳونہے اقدامات کیتے ویسن۔
