اسلام آباد۔14جون (اے پی پی) وفاقی وزیر اطلاعات تے نشریات چوہدری فواد حسین آکھیا جو شہباز شریف کنے بجٹ دے خلاف الاوݨ سانڳے کجھ کائنی، وزیراعظم عمران خان دی سیاسی تے معاشی حکمت عملی انہاں کوں کلین بولڈ کر ݙتے۔ سنوار کوں آپݨے ٹویٹ اچ انہاں آکھیا جو اپوزیشن رہنما حکومت دی معاشی پالیسی تے کیڑھے منہ نال تنقید کریسن ، انہاں کوں پتہ اے جو انہاں دی آپݨی جماعت دے سابق وزیر خزانہ دی کمپنی ریکارڈ منافع کمائے۔ وفاقی وزیر اطلاعات آکھیا جو عمران خان پاکستان دی معیشت کوں ترقی دی راہ تے ٹور ݙتے جڈانجو پی ڈی ایم دی کھٹارا بس زوال دی اوں کچی سڑک تے لہہ ڳئی اے جئیں دے اگوں ڈیڈ اینڈ لکھیا ہوئے۔
