اسلام آباد ۔ 07 ستمبر (اے پی پی) ۔وزیر داخلہ وزارت بارے متعلقہ حکام کوں ہدایت ڈتی جو ججاں ،میڈیا ہائوسز،مسلح فوج دے آفیشل ،اراکین پارلیمنٹ کوں اسلحہ لائسنس اجراء پالیسی بنڑائی ونجے ۔بدھ کوں وزیر داخلہ چوہدری نثار علی خان دی صدارت اچ سکیورٹی دا اجلاس تھیا جئیں اچ سیکرٹری داخلہ، خصوصی سیکرٹری داخلہ، چیئرمین نادرا اتے وزارت دے اعلیٰ حکام شریک تھیے۔ وزیر داخلہ چوہدری نثار علی خان دی ہدایت تے قومی سلامتی سانگے شروع کیتی گئی مہم دے نتیجے سامنڑے آونڑ شروع تھی گئن جئیں دے تحت قومی شناختی کارڈد ی تصدیقی مہم وچال ہک بھارتی سمیت 1685 اجنبیوں رضاکارانہ طور تے پاکستان دے قومی شناختی کارڈ واپسی کیتن۔وزیر داخلہ ایں موقع تے 50عالمی غیر سرکاری تنظیماں کوں پاکستان اچ کم کرنڑ دی اصولی منظوری وی ڈتی جڈانجو15عالمی این جی اوز دی وزارت داخلہ دی عالمی این جی اوز کمیٹی ولوں چھان بین جاری اے جینویں ای انہاں کوں کلیئر کیتا ویسی انہاں کوں کم کرنڑ دی موکل ڈتی ویسی۔
