اسلام آباد۔16مارچ(اے پی پی) وفاقی وزیر داخلہ محسن نقوی گوادر دے علاقے وچ کوسٹ گارڈز دی چیک پوسٹ تے فائرنگ دے واقعے دی شدید لفظاں وچ مذمت کیتی اے۔ وزیر داخلہ حملے وچ جامِ شہادت نوش کرݨ آلے کوسٹ گارڈز دے اہلکاراں سلیم تے عدنان کوں انھاں دی عظیم قربانی تے شاندار خراجِ عقیدت پیش کیتے۔ اپݨے بیان وچ محسن نقوی شہداء دے لواحقین نال دلی ہمدردی تے تعزیت دا …
وفاقی وزیر داخلہ محسن نقوی دی گوادر وچ کوسٹ گارڈز تے حملے دی مذمت
مزید خبراں
اسلام آباد۔16مارچ(اے پی پی) وفاقی وزیر داخلہ محسن نقوی گوادر دے علاقے وچ کوسٹ گارڈز دی چیک پوسٹ تے فائرنگ دے واقعے دی شدید لفظاں وچ مذمت کیتی اے۔ وزیر داخلہ حملے وچ جامِ شہادت نوش کرݨ آلے کوسٹ گارڈز دے اہلکاراں سلیم تے عدنان کوں انھاں دی عظیم قربانی تے شاندار خراجِ عقیدت پیش کیتے۔ اپݨے بیان وچ محسن نقوی شہداء دے لواحقین نال دلی ہمدردی تے تعزیت دا اظہار کریندے آکھیا جو شہید اہلکاراں دے خانداناں دے ݙکھ وچ برابر دے شریک ہیسے تے انھاں دا پورا خیال رکھیا ویسی۔ انھاں مزید آکھیا جو کوسٹ گارڈز دے جواناں اپݨی جاناں قربان کرتے دہشت گرداں دے ناپاک عزائم کوں ناکام بݨا ݙتے، انھاں دی اے قربانی ضائع کائناں ویسی۔ وزیر داخلہ واقعے وچ زخمی تھیوݨ آلے سپاہی عظیم کیتے وقتی صحت یابی دی دعا کیتی تے متعلقہ حکام کوں ہدایت کیتی جو زخمی اہلکار کوں علاج معالجے دیاں بہترین سہولتاں ݙتیاں ونڄن
