وزارت مذہبی امور 10 فیصد دے حساب نال ڈوجھی حج قرعہ اندازی کر ڈتی سپریم کورٹ توںوزارت مذہبی امور دے حق اچ فیصلہ آونڑ دی صورت حال اچ باقی 17562درخواست گذاراں دی قرعہ اندازی تھیسی ڈالر ریٹ ودھنڑ یا ودھ خرچے حکومت برداشت کریسی ،وفاقی وزیر مذہبی امورسردار یوسف

اسلام آباد ۔ 4 مئی (اے پی پی) وزارت مذہبی امور 10 فیصد دے حساب نال ڈوجھی حج قرعہ اندازی کر ڈتی اے۔جیں دے تحت ترائے سال یا ایندے توں ودھ عرصہ ناکام رہنڑ آلے 12ہزار 237درخواست گزاراں کوں کامیاب قرار ڈتا گے،ایں طرح 80سال توں ودھ عمر دے 4ہزار 928درخواست گزاراں کوں بمع انہاں دے معاونین کوں کامیاب قرار ڈتا گے جڈاں جو 587عام درخواست گزار وی قرعہ اندازی دے ذریعے کامیاب قرار ڈتے گن ۔ سپریم کورٹ توں وزارت مذہبی امور دے حق اچ فیصلہ آونڑ دی صورت حال اچ بقایا17 ہزار 562 درخواست گذاراں دی قرعہ اندازی تھیسی۔ جمعے کوں وفاقی وزیر مذہبی امور سردار محمد یوسف ڈوجھی حج قرعہ اندازی دے موقع تے آکھیا جو سرکاری سکیم دے تحت پہلی حج قرعہ اندازی اچ 87ہزار 813عازمین کامیاب قرار ڈتے گے ۔10فیصد سرکاری سکیم کوٹے دی قرعہ اندازی کیتی ویندی پئی اے ۔