اسلام آباد۔1 جولائی (اے پی پی) پاکستان افغانستان اچ دہشت گردی دے بنیادی ڈھانچے دے خلاف پاکستان دی جائز، ٹارگٹڈ تے متناسب کارروائیاں بارے اچ بھارتی وزارتِ خارجہ دے بے بنیاد بیان کوں مسترد کیتے۔ بھارت دی وزارتِ خارجہ ولوں 29 جون کوں جاری کیتے ڳئے بیان تے پاکستان دے ردِعمل نال متعلق ذرائع ابلاغ دے سوال دے جواب اچ دفترِ خارجہ دے ترجمان طاہر حسین اندرابی آکھیا جو پاکستان …
پاکستان افغانستان اچ دہشت گردی دے بنیادی ڈھانچے دے خلاف پاکستان دی کارروائیاں بارے بھارت دے بے بنیاد بیان کوں مسترد کر ݙتے
اسلام آباد۔1 جولائی (اے پی پی) پاکستان افغانستان اچ دہشت گردی دے بنیادی ڈھانچے دے خلاف پاکستان دی جائز، ٹارگٹڈ تے متناسب کارروائیاں بارے اچ بھارتی وزارتِ خارجہ دے بے بنیاد بیان کوں مسترد کیتے۔ بھارت دی وزارتِ خارجہ ولوں 29 جون کوں جاری کیتے ڳئے بیان تے پاکستان دے ردِعمل نال متعلق ذرائع ابلاغ دے سوال دے جواب اچ دفترِ خارجہ دے ترجمان طاہر حسین اندرابی آکھیا جو پاکستان افغانستان اچ دہشت گرداں دے ٹھکاݨیاں دے خلاف پاکستان دی جائز، ہدفی تے متناسب کارروائیاں دے حوالے نال بھارتی وزارتِ خارجہ دے بے بنیاد بیان کوں مسترد کریندے۔ ترجمان آکھیا جو اے مضحکہ خیز بیان ایجھے ملک ولوں سامݨے آئے جیڑھے تاریخی طور تے آپݨے ہمسایہ ملکاں دے اندرونی معاملات اچ مداخلت کریندا ریہے، انھاں دی خودمختاری تے علاقائی سالمیت کوں اقوامِ متحدہ دے منشور دی خلاف ورزی کریندیں ہوئیں نقصان ݙیندا ریہے اتے او ہݨ وی اقوامِ متحدہ دی متعلقہ قرارداداں دی خلاف ورزی کریندیں ہوئیں بھارت دے غیر قانونی زیرِ تسلط جموں تے کشمیر دے عوام دے حقِ خودارادیت کوں دٻائی بیٹھے۔ ترجمان آکھیا جو بھارت افغانستان دی سرزمین توں پاکستان دے خلاف سرگرم دہشت گرد گروہاں دی معاونت تے سرپرستی اچ وی سرگرم اے جیڑھے اقوامِ متحدہ دی سلامتی کونسل دے متعلقہ پابندیاں دے نظام دی خلاف ورزی اے اتے او مسلسل خطے اچ امن کوں نقصان ݙیوݨ آلے کردار دے طور تے کام کریندا پئے۔ انھاں آکھیا جو پاکستان دے خلاف بھارت دے بے بنیاد الزامات تے اشتعال انگیز بیانات کوں سنجیدگی نال نئی ونڄݨا چاہیدا۔ ترجمان آکھیا جو پاکستان بین الاقوامی قانون دے مطابق آپݨے شہریاں دے تحفظ تے سلامتی کوں یقینی بݨاوݨ کیتے تمام مناسب اقدامات کریندا ریہے اتے او آئندہ وی کریندا رہسی۔
