اسلام آباد۔1 جولائی (اے پی پی)وفاقی وزیرِ داخلہ محسن نقوی آکھیے جو اڄ توں پاکستان دے سارے پاسپورٹ دفتراں اچ کیش لیس ٹرانزیکشنز دا نظام مکمل طور تے فعال کر ݙتا ڳئے، ایں اہم اقدام دے بعد شہریاں کوں فیس جمع کراوݨ کیتے گھنٹے انتظار تے طویل قطاراں دی زحمت توں مستقل نجات مل ڳئی اے۔وزیرِ داخلہ سوشل میڈیا پلیٹ فارم 'ایکس' تے جاری اپݨے بیان اچ ݙسایا جو اے …
پاکستان دے سارے پاسپورٹ دفتراں اچ کیش لیس ٹرانزیکشنز دا نظام مکمل طور تے فعال کر ݙتا ڳئے، وزیرِ داخلہ محسن نقوی
مزید خبراں
اسلام آباد۔1 جولائی (اے پی پی)وفاقی وزیرِ داخلہ محسن نقوی آکھیے جو اڄ توں پاکستان دے سارے پاسپورٹ دفتراں اچ کیش لیس ٹرانزیکشنز دا نظام مکمل طور تے فعال کر ݙتا ڳئے، ایں اہم اقدام دے بعد شہریاں کوں فیس جمع کراوݨ کیتے گھنٹے انتظار تے طویل قطاراں دی زحمت توں مستقل نجات مل ڳئی اے۔وزیرِ داخلہ سوشل میڈیا پلیٹ فارم ‘ایکس’ تے جاری اپݨے بیان اچ ݙسایا جو اے اہم اصلاحاتی قدم وزیرِاعظم محمد شہباز شریف دی خصوصی ہدایات تے چاتا ڳئے جیں کوں پاسپورٹ ٹیم کامیابی نال مکمل کر تے عوام کیتے پیش کرݙتے۔ انھاں ایں سنگِ میل کوں پبلک سروسز کوں تکھا ، شفاف تے شہریاں کیتے زیادہ توں زیادہ سوکھا بݨاوݨ دی پاسے ہک وݙا قدم قرار ݙیندے پوری پاسپورٹ ٹیم دی کارکردگی دی تعریف کیتی تے مستقبل اچ ایجھے مزید اہداف حاصل کرݨ دا عزم ظاہر کیتا۔ڈائریکٹوریٹ جنرل امیگریشن اینڈ پاسپورٹس دی طرفوں جاری کیتی ڳئی تفصیل موجب عوام دی سہولت کیتے متعارف کرائے ڳئے ایں جدید نظام دے تحت ہݨ شہری صرف ہک منٹ اچ فیس ادا کر تے اپݨا پاسپورٹ بݨوا سڳدن۔ شہریاں کوں ہݨ دفتراں اچ نقد رقم ݙیوݨ دی لوڑھ نہ ہوسی بلکہ او اتھاں موجود کیو آر کوڈ کوں سکین کر تے اپݨے موبائل اچ موجود کہیں وی بینکنگ ایپ یا ڈیجیٹل والٹ دے ذریعے فیس ادا کرسڳسن۔ ایں ڈیجیٹل نظام دے تحت شہریاں کوں ݙینھ رات چوی گھنٹے (24/7) ادائیگی دی سہولت میسر ہوسی۔ کیو آر کوڈ دے ذریعے تھیوݨ آلی اے ادائیگی نہ صرف محفوظ تے تکھی اے بلکہ ایں دا ساریں توں وݙا فیدہ اے اے جو فیس منتقل تھیندے ہی سسٹم دے ذریعے ایں دی فوری تصدیق وی تھی ویندی اے۔ ایں جدید سروس دے بارے اچ مزید معلومات کیتے شہری محکمے دی آفیشل ویب سائٹ یا ہیلپ لائن نمبر تے وی رابطہ کر سڳدن۔
