اسلام آباد۔1 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار پاکستان اچ جامعات تے اعلیٰ تعلیمی اداریں دے قیام متعلق موجودہ رہنما اصولاں دا جائزہ گھنݨ کیتے ہک کمیٹی دے اجلاس دی صدارت کیتی۔ وزارتِ خارجہ توں جاری کیتے ڳئے بیان موجب اجلاس اچ پاکستان اچ اعلیٰ تعلیمی اداریں دے قیام تے منظوری کیتے ہائرایجوکیشن کمیشن (ایچ ای سی) دے مجوزہ 2026ء ریگولیٹری فریم ورک …
اسحاق ڈار دی زیرِ صدارت جامعات تے اعلیٰ تعلیمی اداریں دے قیام متعلق موجودہ رہنما اصولاں دا جائزہ گھنݨ کیتے کمیٹی دا اجلاس
مزید خبراں
اسلام آباد۔1 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار پاکستان اچ جامعات تے اعلیٰ تعلیمی اداریں دے قیام متعلق موجودہ رہنما اصولاں دا جائزہ گھنݨ کیتے ہک کمیٹی دے اجلاس دی صدارت کیتی۔ وزارتِ خارجہ توں جاری کیتے ڳئے بیان موجب اجلاس اچ پاکستان اچ اعلیٰ تعلیمی اداریں دے قیام تے منظوری کیتے ہائرایجوکیشن کمیشن (ایچ ای سی) دے مجوزہ 2026ء ریگولیٹری فریم ورک دا تفصیلی جائزہ ڳھدا ڳیا۔ متعلقہ اداریں دے نمائندیں کمیٹی کوں ایں پالیسی تے جامع بریفنگ ݙتی۔ کمیٹی ہائر ایجوکیشن کمیشن (ایچ ای سی) دی کوششاں دی تعریف کریندے کجھ شعبیں اچ مزید بہتری دی سفارشات پیش کیتیاں۔نائب وزیرِاعظم و وزیرِ خارجہ محمد اسحاق ڈار ہدایت کیتی جو ہائر ایجوکیشن کمیشن کمیٹی دی سفارشات کوں مجوزہ فریم ورک اچ شامل کرے تے نظرِثانی شدہ مسودہ منظوری کیتے وزارتِ وفاقی تعلیم و پیشہ ورانہ تربیت دے ذریعے وفاقی کابینہ کوں ارسال کرے۔نائب وزیرِاعظم و وزیرِ خارجہ حکومت دے معیاری تعلیم دے عزم کوں اجاگر کریندے آکھیا جو پاکستان دے اعلیٰ تعلیمی نظام کوں تکڑا بݨاوݨ تے اعلیٰ ترین معیار، شفافیت تے عمدگی دے نال علم ݙیوݨ موجودہ حکومت دی نمایاں ترجیح اے۔اجلاس اچ وفاقی وزرائے قانون و انسانی حقوق، بین الصوبائی رابطہ، وفاقی تعلیم و پیشہ ورانہ تربیت، وزیرِاعظم دے معاونِ خصوصی طارق باجوہ، وفاقی سیکرٹریز تے ٻئے متعلقہ حکام شرکت کیتی۔
