اسلام آباد۔21جولائی (اے پی پی) ایران دے وزیر داخلہ سکندر مومنی پاکستان مونومنٹ دا دورہ کیتا تے یادگارِ شہدا تے حاضری ݙے تے وطنِ عزیز کیتے آپݨیاں جاناں دا نذرانہ پیش کرݨ آلیں کوں شاندار خراجِ عقیدت پیش کیتا۔ پاکستان مونومنٹ آوݨ تے وزیر مملکت داخلہ طلال چوہدری معزز مہمان دا پرتپاک استقبال کیتا۔ ایں موقع تے فیڈرل کانسٹیبلری دے چاق و چوبند دستے ایرانی وزیر داخلہ کوں سلامی پیش …
ایرانی وزیرداخلہ دا پاکستان مونومنٹ دورہ، یادگارِ شہدا تے حاضری، فاتحہ پڑھی
مزید خبراں
اسلام آباد۔21جولائی (اے پی پی) ایران دے وزیر داخلہ سکندر مومنی پاکستان مونومنٹ دا دورہ کیتا تے یادگارِ شہدا تے حاضری ݙے تے وطنِ عزیز کیتے آپݨیاں جاناں دا نذرانہ پیش کرݨ آلیں کوں شاندار خراجِ عقیدت پیش کیتا۔ پاکستان مونومنٹ آوݨ تے وزیر مملکت داخلہ طلال چوہدری معزز مہمان دا پرتپاک استقبال کیتا۔ ایں موقع تے فیڈرل کانسٹیبلری دے چاق و چوبند دستے ایرانی وزیر داخلہ کوں سلامی پیش کیتی۔ایرانی وزیر داخلہ یادگارِ شہدا تے پُھلاں دی چادر چڑھائی، فاتحہ خوانی کیتی تے شہدا دی عظیم قربانیاں دا اعتراف کریندیں خاموشی اختیار کیتی۔ بعد اچ ایرانی وزیر داخلہ کوں پاکستان مونومنٹ دے تاریخی پس منظر، فنِ تعمیر تے پاکستان دے ثقافتی ورثے بارے تفصیلی بریفنگ ݙتی ڳئی۔ معزز مہمان یادگارِ شہدا تے پاکستان مونومنٹ دی تاریخی تے قومی اہمیت دی تعریف کیتی۔دورے دے دوران انھاں شکر پڑیاں توں وفاقی دارالحکومت اسلام آباد دی خوبصورتی تے دلکش مارگلہ پہاڑی سلسلے دا نظارہ وی کیتا۔ ایں موقع تے آئی جی فیڈرل کانسٹیبلری ریاض نذیر گاڑا تے ڈی آئی جی اسلام آباد سودھے ٻئے اعلیٰ سول و پولیس افسر وی موجود ہن۔
