وفاقی وزیرمنصوبہ بندی تے وفاقی وزیر صحت دی صدارت اچ اعلیٰ سطحی اجلاس

اسلام آباد۔21جولائی (اے پی پی) وفاقی وزیر منصوبہ بندی تے وفاقی وزیر صحت دی زیرِ صدارت ہک اعلیٰ سطحی اجلاس منعقد تھیا جیں اچ قومی آبادی استحکام منصوبہ 2026–2036 دے ابتدائی مسودے دا تفصیلی جائزہ ڳھدا ڳیا۔ اجلاس دے دوران قومی آبادی استحکام منصوبہ 2026–2036 دے ابتدائی مسودے تے تفصیلی غور کیتا ڳیا۔ ایں موقع تے اتفاق کیتا ڳیا جو منصوبے دا حتمی مسودہ وزارتِ منصوبہ بندی تے وزارتِ قومی صحت سانجھے طور تے تیار کریسن۔اجلاس اچ اے وی طے پاتا جو حتمی مسودہ منظوری تے مشاورت کیتے سارے صوبیں کوں ارسال کیتا ویسی جیں دے بعد ایں کوں مزید غور کیتے قومی آبادی کونسل دے سامݨے پیش کیتا ویسی۔ ݙوہیں وفاقی وزراء ملک کوں درپیش آبادی دے چیلنج توں موثر انداز اچ نبڑݨ دے عزم دا اعادہ کریندیں آکھیا جو آبادی اچ پائیدار استحکام تے سماجی و اقتصادی ترقی دے اہداف دے حصول کیتے ہک مربوط قومی حکمتِ عملی ناگزیر اے۔انھاں ایں ڳالھ تے زور ݙتا جو منصوبے تے موثر عملدرآمد یقینی بݨاوݨ کیتے وفاقی تے صوبائی حکومتاں وچال نیڑے تعاون، موثر رابطہ کاری تے ہم آہنگی ٻہوں اہم اے۔ اجلاس اچ سیکریٹری صحت، ڈی جی پاپولیشن، ممبر (پاپولیشن) وزارتِ منصوبہ بندی تے ٻئے متعلقہ حکام شرکت کیتی۔