اسلام آباد۔21جولائی (اے پی پی) وفاقی وزیر پٹرولیم علی پرویز ملک نال کویت فارن پٹرولیم ایکسپلوریشن کمپنی (کے یو ایف پی ای سی) دے نائب صدر آپریشنز طارق ابراہیم ملاقات کیتی جیں دوران پاکستان دے پٹرولیم دے شعبے اچ تعاون تے سرمایہ کاری دے ودھارے دے موقع تے ڳالھ مہاڑ کیتی ڳئی۔ ترجمان پٹرولیم ڈویژن موجب وفاقی وزیر آکھیا جو کویت پاکستان دا قریبی دوست ملک اے تے ݙوہیں ملکاں …
وزیرِ پٹرولیم نال کے یو ایف پی ای سی دے نائب صدر آپریشنز دی ملاقات
مزید خبراں
اسلام آباد۔21جولائی (اے پی پی) وفاقی وزیر پٹرولیم علی پرویز ملک نال کویت فارن پٹرولیم ایکسپلوریشن کمپنی (کے یو ایف پی ای سی) دے نائب صدر آپریشنز طارق ابراہیم ملاقات کیتی جیں دوران پاکستان دے پٹرولیم دے شعبے اچ تعاون تے سرمایہ کاری دے ودھارے دے موقع تے ڳالھ مہاڑ کیتی ڳئی۔ ترجمان پٹرولیم ڈویژن موجب وفاقی وزیر آکھیا جو کویت پاکستان دا قریبی دوست ملک اے تے ݙوہیں ملکاں وچال توانائی دے شعبے اچ پنجاہ سال توں ودھ عرصے تے محیط مضبوط شراکت داری قائم اے۔ انھاں ایں عزم دا اظہار کیتا جو حکومت ایں پراݨے تعلق کوں مزید مستحکم بݨاوݨ کیتے سارے ممکن اقدامات جاری رکھیسی۔طارق ابراہیم سرمایہ کاری دے موقع ݙیوݨ اچ حکومتی تعاون تے وفاقی وزیر دا شکریہ ادا کریندیں آکھیا جو کے یو ایف پی ای سی پاکستان دے اپ اسٹریم توانائی دے شعبے اچ آپݨی موجودگی تے سرمایہ کاری کوں مزید وسعت ݙیوݨ دی بھرپور صلاحیت رکھیندی اے۔ وفاقی وزیرعلی پرویز ملک کویت فارن پٹرولیم ایکسپلوریشن کمپنی کوں حکومتِ پاکستان دی طرفوں مکمل تعاون دا یقین ݙویندے آکھیا جو حکومت بین الاقوامی سرمایہ کاراں کیتے پٹرولیم دے شعبے اچ سازگار، شفاف تے سرمایہ کار دوست ماحول ݙیوݨ کیتے پرعزم اے۔
