نائب وزیراعظم 33 ویں آسیان ریجنل فورم دے وزارتی اجلاس اچ شرکت کیتے منیلا پُڄ ڳئن

منیلا۔22جولائی (اے پی پی) نائب وزیراعظم و وزیر خارجہ اسحاق ڈار 33 ویں آسیان ریجنل فورم (اے آر ایف) دے وزارتی اجلاس اچ شرکت کیتے وفد دے رلے فلپائن دے دارالحکومت منیلا پُڄ ڳئن۔ دفترِ خارجہ موجب نائب وزیراعظم دے دورے اچ مصروف سفارتی سرگرمیاں دا شیڈول طے اے جئیں اچ اے آر ایف دے اجلاس اچ شرکت تے ایں موقع تے مختلف ملکاں دے وزرائے خارجہ نال ݙوطرفہ ملاقاتاں شامل ہن۔ ہوائی اݙے آوݨ تے فلپائن دی وزارتِ خارجہ دے دفترانٹیلی جنس و سکیورٹی سروسز دے اسسٹنٹ سیکرٹری ایلمر جی کیٹو، فلپائن اچ پاکستان دی سفیر عاصمہ ربانی تے پاکستانی سفارت خانے دے حکام نائب وزیراعظم دا استقبال کیتا