واشنگٹن ڈی سی۔22جولائی (اے پی پی) وفاقی وزیرِخزانہ و محصولات سینیٹر محمد اورنگ زیب واشنگٹن ڈی سی اچ امریکی ہم منصب سکاٹ بیسنٹ نال ملاقات کیتی جیں دوران معاشی تعاون دے ودھارے، امریکی سرمایہ کاری اچ ودھارے تے تذویراتی منصوبیں دی پیش رفت یقینی بݨاوݨ دے عزم دا اظہار کیتا ڳیا۔ فنانس ڈویژن موجب وزیرِ خزانہ امریکی ہم منصب کوں پاکستان دے میکرواکنامک استحکام توں پائیدار تے برآمدات تے مبنی …
وفاقی وزیرِ خزانہ دی امریکی ہم منصب نال ملاقات
مزید خبراں
واشنگٹن ڈی سی۔22جولائی (اے پی پی) وفاقی وزیرِخزانہ و محصولات سینیٹر محمد اورنگ زیب واشنگٹن ڈی سی اچ امریکی ہم منصب سکاٹ بیسنٹ نال ملاقات کیتی جیں دوران معاشی تعاون دے ودھارے، امریکی سرمایہ کاری اچ ودھارے تے تذویراتی منصوبیں دی پیش رفت یقینی بݨاوݨ دے عزم دا اظہار کیتا ڳیا۔ فنانس ڈویژن موجب وزیرِ خزانہ امریکی ہم منصب کوں پاکستان دے میکرواکنامک استحکام توں پائیدار تے برآمدات تے مبنی گروتھ دے سفردا ݙسایا۔ وزیرِ خزانہ علاقائی صورتحال دے پاکستانی معیشت تے منفی اثرات کوں وی اجاگر کیتا۔ انھاں آکھیا جو بین الاقوامی کیپٹل مارکیٹاں تئیں بہتررسائی، زرمبادلہ دے ذخیرے اچ چنڳائی تے خودمختار کریڈٹ ریٹنگز اچ ودھارے تے مبنی مارکیٹ رسائی دے حوالے نال امریکی تعاون چاہندوں ۔ ملاقات اچ طرفین معاشی تعاون دے ودھارے، امریکی سرمایہ کاری اچ ودھارے تے تذویراتی منصوبیں دی پیش رفت یقینی بݨاوݨ دے عزم دا اظہار کیتا
