وزیراعظم دا عالمی کریڈٹ ریٹنگ ایجنسی ایس اینڈ پی گلوبل ولوں پاکستان دی خودمختار کریڈٹ ریٹنگ “B-” توں ودھا تے “B” کرݨ دا خیرمقدم

اسلام آباد۔22جولائی (اے پی پی)وزیراعظم محمد شہباز شریف عالمی کریڈٹ ریٹنگ ایجنسی ایس اینڈ پی گلوبل ولوں پاکستان دی خودمختار کریڈٹ ریٹنگ “B-” توں ودھا تے “B” کرݨ دا خیرمقدم کریندے آکھیے جو اے پیشرفت ملکی معیشت کیتے ہک اہم سنگِ میل اے۔ وزیراعظم آکھیا جو اے کامیابی حکومت دی موثر معاشی پالیسیاں، مالیاتی نظم و ضبط، اصلاحاتی اقدامات اتے قومی معیشت کوں مستحکم ٻݨاوݨ دی مسلسل کوششاں تے عالمی اعتماد دا ثبوت اے۔ وزیراعظم آکھیا جو عالمی ادارے ولوں پاکستان دی درجہ بندی اچ چنڳائی حکومت دے معیشت کوں استحکام ݙیوݨ، ٹیکس نظام کوں بہتر بݨاوݨ، مالی خسارے اچ کمی اتے زرمبادلہ دے ذخائر کوں مضبوط بݨاوݨ کیتے اقدامات دے درست سمت اچ ہووݨ دا ثبوت اے، حکومت اوکھے ٻھل ضروری معاشی فیصلے کیتن جیندے مثبت نتائج آئن، اتے اے عالمی سطح تے وی منیے ڳئن، ایں پیش رفت نال بین الاقوامی سرمایہ کاراں دا اعتماد ودھسی اتے سرمایہ کاری دے نویں مواقع نکلسن اتے پاکستان دی معاشی ترقی دی رفتار ودھسی۔ وزیر اعظم نائب وزیراعظم و وزیر خارجہ سینیٹر محمد اسحاق ڈار، وفاقی وزیر خزانہ سینیٹر محمد اورنگزیب، اقتصادی ٹیم اتے متعلقہ اداریاں دی ایں کامیابی کیتے کوششاں کوں سراہیا اتے آکھیا جو حکومت معاشی اصلاحات دے سفر کوں پوری سنجیدگی اتے عزم نال جاری رکھسی تاں جو پاکستان کوں پائیدار اتے مضبوط اقتصادی بنیاداں ݙتیان ونڄ سڳنفراہم کیتیاں ونڄ سڳن۔