منیلا۔23جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار منیلا اچ منعقدہ آسیان ریجنل فورم 2026 دے موقع تے نیوزی لینڈ دے وزیرِ خارجہ ونسٹن پیٹرز نال ملاقات کیتی۔ ݙوہیں رہنماواں پاکستان تے نیوزی لینڈ دے ݙوطرفہ تعلقات دا جائزہ ڳھدا تے تجارت تے سرمایہ کاری، کھیݙاں تے عوامی رابطے دے شعبیں اچ تعاون مزید تکڑا بݨاوݨ دے عزم دا اعادہ کیتا۔انھاں ادارہ جاتی رابطے، باقاعدہ …
اسحاق ڈار دی منیلا اچ نیوزی لینڈ دے وزیرِ خارجہ نال ملاقات
مزید خبراں
منیلا۔23جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار منیلا اچ منعقدہ آسیان ریجنل فورم 2026 دے موقع تے نیوزی لینڈ دے وزیرِ خارجہ ونسٹن پیٹرز نال ملاقات کیتی۔ ݙوہیں رہنماواں پاکستان تے نیوزی لینڈ دے ݙوطرفہ تعلقات دا جائزہ ڳھدا تے تجارت تے سرمایہ کاری، کھیݙاں تے عوامی رابطے دے شعبیں اچ تعاون مزید تکڑا بݨاوݨ دے عزم دا اعادہ کیتا۔انھاں ادارہ جاتی رابطے، باقاعدہ رابطء تے اعلیٰ سطح دے تبادلیں کوں ودھارا ݙیوݨ دی اہمیت تے وی زور ݙتا۔ ملاقات دے دوران علاقائی تے بین الاقوامی پیش رفت تے وی ڳالھ مہاڑ کیتی ڳئی ۔ وزیرِخارجہ ونسٹن پیٹرزاڄوکی امریکا۔ایران کشیدگی دے دوران پاکستان دے تعمیری کردار تے ڳالھ مہاڑ کشیدگی اچ کمی تے خطے اچ امن دے ودھارے کیتے اِیں دی کوششاں دی تعریف کیتی ۔ ݙوہیں رہنماواں سانجھے رابطے برقرار رکھݨ تے اتفاق کیتا۔
