اسلام آباد۔23جولائی (اے پی پی) صدر مملکت آصف علی زرداری مصر دے صدر عبدالفتاح السیسی تے مصر دے بھرا عوام کوں قومی ݙینھ تے مبارخ ݙتی اے ۔ اپݨے تہنیتی پیغام اچ صدر مملکت آکھیا جو پاکستان تے مصر وچال سانجھے احترام، مشترکہ اقدار تے اعتماد تے مبنی پراݨے تے خوشگوار دوستانہ تعلقات ہن۔انھاں آکھیا جو ݙوہیں ملکاں ݙوپاسے شراکت داری سودھے کثیر الجہتی فورمز تے تعاون تے افہام و …
صدر مملکت آصف علی زرداری دی مصر دی قیادت کوں قومی ݙینھ تے مبارخ
مزید خبراں
اسلام آباد۔23جولائی (اے پی پی) صدر مملکت آصف علی زرداری مصر دے صدر عبدالفتاح السیسی تے مصر دے بھرا عوام کوں قومی ݙینھ تے مبارخ ݙتی اے ۔ اپݨے تہنیتی پیغام اچ صدر مملکت آکھیا جو پاکستان تے مصر وچال سانجھے احترام، مشترکہ اقدار تے اعتماد تے مبنی پراݨے تے خوشگوار دوستانہ تعلقات ہن۔انھاں آکھیا جو ݙوہیں ملکاں ݙوپاسے شراکت داری سودھے کثیر الجہتی فورمز تے تعاون تے افہام و تفہیم دی روایت کوں برقرار رکھیے، تجارت، سرمایہ کاری، تعلیم، ثقافت، دفاع تے عوامی سطح تے رابطے سودھے متنوع شعبیں اچ ݙوہیں ملکاں وچال ودھدا ہویا تعاون حوصلہ افزا اے۔ انھاں آکھیا جو پاکستان مصر دے نال اپݨے تعلقات کوں قدر دی نگاہ نال ݙیہدے تے ݙوہیں ملکاں دے عوام دی فلاح و بہبود کیتے ایں شراکت داری کوں تکڑا بݨاوݨ کیتے پرعزم اے۔صدرمملکت اڄوکے علاقائی جھیڑے دے حل کیتے ݙوہیں ملکاں دی قیادت دی فعال رابطہ کاری دی تعریف کریندے اعتماد دا اظہار کیتا۔ انھاں آکھیا جو پاکستان تے مصر وچال دوستی دا رشتہ آوݨ آلے سالاں اچ علاقائی ہم آہنگی تے وسیع تر اقتصادی ترقی کیتے اپݨا کردار ادا کریندیں تکڑا تھیسی۔
