نائب وزیراعظم 23 تے 24 جولائی کوں کرغزستان اچ شنگھائی تعاون تنظیم دی وزرائے خارجہ کونسل دے اجلاس اچ شرکت کریسن، دفترِ خارجہ

اسلام آباد۔23جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار جمہوریہ کرغزستان دے وزیر خارجہ ژین بیک کولوبایف دی دعوت تے 23 تے 24 جولائی کوں کرغزستان دے شہر چولپون آتا اچ منعقد تھیوݨ آلے شنگھائی تعاون تنظیم (ایس سی او) دی وزرائے خارجہ کونسل دے اجلاس اچ شرکت کیتے پاکستانی وفد دی قیادت کریسن۔ دفترِ خارجہ موجب اجلاس اچ پاکستان، چین، بیلاروس، بھارت، ایران، قازقستان، کرغزستان، روس، تاجکستان تے ازبکستان سودھے ایس سی او دے سارے رکن ملکاں دے وزرائے خارجہ شرکت کریسن۔ وزرائے خارجہ کونسل ایس سی او دا تریجھا اعلیٰ ترین فورم اے جو بین الاقوامی تعلقات سودھے تنظیم دے رکن ملکاں دی خارجہ تے سلامتی متعلق پالیسیاں تے غور کریندے۔دورہ کرغزستان دے دوران نائب وزیراعظم تے وزیرخارجہ جمہوریہ کرغزستان دے صدر نال وی ملاقات کریسن جݙاں جو او اجلاس دے موقع تے ایس سی او دے رکن ملکاں دے اپݨے ہم منصباں نال ملاقاتاں وی کریسن۔