اسلام آباد۔23جولائی (اے پی پی) چیئرمین قومی احتساب بیورو (نیب) لیفٹیننٹ جنرل (ر) نذیر احمد آکھیے جو منی لانڈرنگ ملکی معیشت دے استحکام تے عوامی جوابدہی کیتے ہک سنگین خطرہ اے جیں نال موثر انداز اچ نبڑݨ کیتے سارے متعلقہ اداریں وچال نیڑے تعاون تے انسدادِ منی لانڈرنگ ایکٹ 2010 تے سختی نال عمل درآمد ناگزیر اے۔او پاکستان اینٹی کرپشن اکیڈمی (پاکا) دے زیرِ اہتمام اسلام آباد ضلعی عدلیہ دے …
منی لانڈرنگ دے خلاف موثر کارروائی کیتے ادارہ جاتی تعاون ناگزیر اے، چیئرمین نیب لیفٹیننٹ جنرل (ر) نذیراحمد
مزید خبراں
اسلام آباد۔23جولائی (اے پی پی) چیئرمین قومی احتساب بیورو (نیب) لیفٹیننٹ جنرل (ر) نذیر احمد آکھیے جو منی لانڈرنگ ملکی معیشت دے استحکام تے عوامی جوابدہی کیتے ہک سنگین خطرہ اے جیں نال موثر انداز اچ نبڑݨ کیتے سارے متعلقہ اداریں وچال نیڑے تعاون تے انسدادِ منی لانڈرنگ ایکٹ 2010 تے سختی نال عمل درآمد ناگزیر اے۔او پاکستان اینٹی کرپشن اکیڈمی (پاکا) دے زیرِ اہتمام اسلام آباد ضلعی عدلیہ دے ججاں کیتے منی لانڈرنگ دے مقدمات دی تفتیش، قانونی چارہ جوئی دے طریقہ کار تے عالمی فریم ورک دے موضوع تے منعقدہ چوتھی ہک ݙینھ وار تعارفی نشست نال خطاب کریندے پئے ہن۔چیئرمین نیب آکھیا جو انھاں تعارفی نشستاں دا مقصد پاکستان دے انسدادِ منی لانڈرنگ نظام متعلق آگاہی اچ ودھارا تے عدلیہ، تفتیشی اداریں، پراسیکیوٹرز، مالیاتی اداریں تے ریگولیٹری اداریں وچال تعاون کوں مزید تکڑا بݨاوݨ اے۔ اسلام آباد ہائی کورٹ دے جسٹس محمد اعظم خان اختتامی تقریب اچ بطور مہمانِ خصوصی شرکت کیتی۔ انھاں ایں اہم تعارفی نشست دے انعقاد تے نیب تے پاکا دی کوششاں دی تعریف کریندے آکھیا جو اوکھے مالیاتی شواہد دا موثر جائزہ گھنݨ تے قانون دی حکمرانی برقرار رکھݨ اچ عدلیہ دا کردار اہم اے۔تقریب نال ڈپٹی چیئرمین نیب ناصر سہیل، ڈائریکٹر جنرل نیب محمد طاہر تے نور السحر وی خطاب کیتا تے شرکاء کوں منی لانڈرنگ متعلق قانونی تے تکنیکی پہلوواں تے بریفنگ ݙتی۔ ڈائریکٹر جنرل پاکا غلام صفدر شاہ خیرمقدمی کلمات پیش کریندیں آکھیا جو پاکستان اینٹی کرپشن اکیڈمی انسدادِ بدعنوانی دے شعبے اچ ہک سینٹر آف ایکسی لینس دے طور تے اپݨا کردار مسلسل تکڑا بݨیندی پئی اے ۔ تقریب دے چھیکڑ تے شریک ججاں اچ سنداں ونڈیاں ڳئیاں جݙاں جو مہماناں وچال یادگاری شیلڈز دا تبادلہ وی کیتا ڳئے۔
