نائب وزیراعظم اسحاق ڈار آسیان ریجنل فورم دے اجلاس دے بعد منیلا توں کرغزستان لڳے ڳئن

منیلا۔23جولائی (اے پی پی)نائب وزیراعظم تے وزیر خارجہ سینیٹر محمد اسحاق ڈار آسیان ریجنل فورم (اے آر ایف) دے 33 ویں اجلاس دے بعد منیلا توں کرغزستان لڳے ڳئن، جتھاں او کرغز جمہوریہ دے شہر چولپون آتا ویسن اتے شنگھائی تعاون تنظیم (ایس سی او) دی وزرائے خارجہ کونسل دے اجلاس اچ شرکت کریسن۔ دفترِ خارجہ دے مطابق نائب وزیراعظم منیلا دے دورے اچ شاندار میزبانی تے حکومتِ فلپائن اتے آسیان ریجنل فورم دا شکریہ ادا کیتے۔ نائب وزیراعظم 23 توں 24 جولائی تئیں تھیوݨ آلے ایس سی او کونسل آف فارن منسٹرز دے اجلاس اچ پاکستانی وفد دی قیادت کریسن۔ اجلاس دے موقع تے او شنگھائی تعاون تنظیم دے رکن ممالک دے ہم منصباں نال ݙوطرفہ ملاقاتاں وی کریسن۔