اسلام آباد۔24جولائی (اے پی پی) وفاقی وزیرِ پٹرولیم علی پرویز ملک نال بین الاقوامی توانائی کمپنیاں دے نمائندیں انڄ انڄ ملاقاتاں کیتیاں،جِنھاں اچ پاکستان دے توانائی تے اہم معدنیات (کریٹیکل منرلز) دے شعبیں اچ سرمایہ کاری تے سانجھے تعاون دے ودھارے تے ڳالھ مہاڑ کیتی ڳئی۔ترجمان پٹرولیم ڈویژن موجب وزیرِ پٹرولیم نال مورگن ہیوز انرجی دے صدر گریگوری بلوم تے تیجارہ کیپٹل دے سی ای او احمد ولید ملاقات کیتی، …
وفاقی وزیرِ پٹرولیم نال بین الاقوامی توانائی کمپنیاں دے نمائندیں دی ملاقات
اسلام آباد۔24جولائی (اے پی پی) وفاقی وزیرِ پٹرولیم علی پرویز ملک نال بین الاقوامی توانائی کمپنیاں دے نمائندیں انڄ انڄ ملاقاتاں کیتیاں،جِنھاں اچ پاکستان دے توانائی تے اہم معدنیات (کریٹیکل منرلز) دے شعبیں اچ سرمایہ کاری تے سانجھے تعاون دے ودھارے تے ڳالھ مہاڑ کیتی ڳئی۔ترجمان پٹرولیم ڈویژن موجب وزیرِ پٹرولیم نال مورگن ہیوز انرجی دے صدر گریگوری بلوم تے تیجارہ کیپٹل دے سی ای او احمد ولید ملاقات کیتی، ملاقات اچ پاکستان دے توانائی تے کریٹیکل منرلز دے شعبیں اچ امریکی سرمایہ کاری ودھاوݨ دے امکانات تے ڳالھ مہاڑ کیتی ڳئی ۔ گریگوری بلوم آکھیا جو بلوچستان اچ اہم معدنیات دے وسیع موقع موجود ہن۔ مورگن ہیوز انرجی تے تیجارہ کیپٹل مشترکہ طور تے معدنیات دے منصوبیں تے کم کرݨ دے نال نال پاکستان دے تیل تے گیس دی موجودہ فیلڈز دی پیداوار ودھاوݨ کیتے سرمایہ کاری اچ دلچسپی رکھیندن۔ وفاقی وزیرعلی پرویز ملک کمپنیاں دی دلچسپی دا خیرمقدم کریندیں آکھیا جو حکومت مقامی توانائی دی پیداوار ودھاوݨ تے ذمہ دارانہ بین الاقوامی سرمایہ کاری دے ودھارے کیتے متعلقہ اداریں دے نال مکمل تعاون کریسی۔ݙوجھی ملاقات اچ ویٹول ایشیا دے چیف ایگزیکٹو کیرن گالاگر تے انھاں دی ٹیم وفاقی وزیرِ پیٹرولیم نال ملاقات کیتی۔ ایں موقع تے پاکستان دے پیٹرولیم شعبے اچ جاری تعاون دا جائزہ گھدا ڳیا۔ وفاقی وزیرِپٹرولیم گوادر اچ ویٹول دی بنکرنگ آپریشنز دے کامیاب آغاز تے مبارخ ݙتی تے کمپنی دی طرفوں ہائی سلفر فیول آئل (ایچ ایس ایف او) کوں ویری لو سلفر فیول آئل اچ تبدیل کرݨ دی تجویز دا خیرمقدم کریندیں منصوبے کیتے حکومتی تعاون دا یقین ݙیوائے۔
