خبرنمبر:09 لاہور۔25جولائی(اے پی پی): وفاقی وزیرِ خزانہ محمد اورنگزیب لاہور اچ لاہور یونیورسٹی آف مینجمنٹ سائنسز (لمز) اچ ایف بی آر دے پوسٹ گریجویٹ ڈپلومہ پروگرام دی اختتامی تے سرٹیفکیٹ تقسیم تقریب اچ شرکت کیتی۔ اپݨے خطاب اچ انھاں آکھیا جو وزیراعظم محمد شہباز شریف دی قیادت اچ حکومتِ پاکستان ٹیکس نظام اچ بنیادی اصلاحات، ایف بی آر دی استعدادِ کار ودھاوݨ، کیش لیس معیشت کوں ٹورݨ اتے جدید ٹیکنالوجی …
وفاقی وزیرِ خزانہ محمد اورنگزیب دی لمز اچ ایف بی آر دے پوسٹ گریجویٹ ڈپلومہ پروگرام دی تقریب اچ شرکت
خبرنمبر:09
لاہور۔25جولائی(اے پی پی): وفاقی وزیرِ خزانہ محمد اورنگزیب لاہور اچ لاہور یونیورسٹی آف مینجمنٹ سائنسز (لمز) اچ ایف بی آر دے پوسٹ گریجویٹ ڈپلومہ پروگرام دی اختتامی تے سرٹیفکیٹ تقسیم تقریب اچ شرکت کیتی۔ اپݨے خطاب اچ انھاں آکھیا جو وزیراعظم محمد شہباز شریف دی قیادت اچ حکومتِ پاکستان ٹیکس نظام اچ بنیادی اصلاحات، ایف بی آر دی استعدادِ کار ودھاوݨ، کیش لیس معیشت کوں ٹورݨ اتے جدید ٹیکنالوجی دے استعمال نال ملک دے مالیاتی نظام کوں مضبوط بݨاوݨ کیتے ودھ اقدامات کریندی پئی اے۔ حکومت دا مقصد عوام کیتے سوکھ پیدا کرݨا، ٹیکس دہندگان دا اعتماد بحال کرݨ اتے ہک اینڄھا شفاف نظام ڳھن آوݨ اے جیڑھا پاکستان دی پائیدار معاشی ترقی دی بنیاد بݨ سڳے۔ ایں موقع تے فیڈرل بورڈ آف ریونیو (ایف بی آر) دے چیئرمین محمد راشد لنگڑیال سودھا فیکلٹی ممبران اتے ڈپلومہ پروگرام مکمل کرݨ والے افسران دی وݙی تعداد موجود ہئی۔ محمد اورنگزیب تربیتی پروگرام مکمل کرݨ والے افسران کوں مبارک ݙیندے آکھیا جو ہݨ ذمہ داری انھاں تے آندی اے جو او اپݨیاں پیشہ ورانہ صلاحیتاں، دیانت داری اتے جدید علم نال ادارے اچ مثبت تبدیلی ڳھن آون، یقین اے جو اے افسران ایف بی آر کوں ہک جدید، موثر اتے عوام دوست ادارہ بݨاوݨ اچ اہم کردار ادا کریسن۔ تقریب دے چھیکڑ تے کورس اچ ودھ کارکردگی ݙکھاوݨ والے افسران کوں ایوارڈز اتے سرٹیفکیٹس ونڈیے ڳئن۔
