وزیراعظم دا جنوبی وزیرستان اچ دہشت گرداں دا حملہ ناکام ٻݨاوݨ تے سکیورٹی فورسز کوں خراجِ تحسین

لاہور۔26 جولائی(اے پی پی)وزیراعظم محمد شہباز شریف جنوبی وزیرستان اچ دہشت گرداں دے حملے کوں ناکام ٻݨاوݨ تے سکیورٹی فورسز کوں خراجِ تحسین پیش کیتے۔ وزیراعظم جنوبی وزیرستان اچ سکیورٹی فورسز دی چیک پوسٹ تے بھارتی سرپرستی اچ سرگرم فتنۃ الخوارج دے دہشت گرداں دے بزدلانہ حملے کوں ناکام بݨاوݨ اتے چار دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ وزیراعظم سکیورٹی فورسز دیاں پیشہ ورانہ مہارت، غیر معمولی جرات اتے ویلھے سر کارروائی کوں سراہندے ہوئیں آکھیا جو ساݙے بہادر جواناں دشمن دے مذموم عزائم کوں ناکام ٻݨا تے ہک واری ول ثابت کیتے جو پاکستان دی سلامتی تے کوئی حرف نہ آوݨ ݙیسوں۔ انھاں آکھیا جو پوری قوم اپݨیاں بہادر افواج اتے قانون نافذ کرݨ والے اداریاں دے نال کھڑی اے۔ حکومت اتے سکیورٹی فورسز آپریشن ’’عزمِ استحکام‘‘ دے تحت ملک توں دہشت گردی دے ناسور کوں منݙھو مکاوݨ تئیں اپݨیاں کارروائیاں پوری قوت نال جاری رکھسن۔