پاکستان تے امریکا وچال کاروباری تے سرمایہ کاری تعاون دا نواں باب، معروف امریکی سرمایہ کاراں، کاروباری شخصیات تے ٹیکنالوجی ماہرین دا 40 رکنی وفد دا دورہِ پاکستان

اسلام آباد۔27جولائی (اے پی پی) پاکستان تے امریکا وچال کاروباری و سرمایہ کاری تعاون دا نواں باب شروع تھی ڳئے، معروف امریکی سرمایہ کاراں، کاروباری شخصیات تے ٹیکنالوجی ماہرین دا 40 رکنی وفد 26 توں 31 جولائی تک پاکستان دا دورہ کریندا پئے۔ تفصیلات دے مطابق خصوصی سرمایہ کاری سہولت کونسل (ایس آئی ایف سی) دی موثر سہولت کاری توں پاکستان اچ غیر ملکی سرمایہ کاری تے بین الاقوامی کاروباری روابط کوں نویں رفتار ملدی پئی اے، ایس آئی ایف سی، وزارتِ تجارت تے پاکستانی سفارتخانے بی ٹو بی ملاقاتاں، نیٹ ورکنگ سیشنز تے پالیسی بریفنگز دا جامع پروگرام ترتیب ݙتے، وفد دی وزیراعظم، نائب وزیراعظم تے وزیرِ خارجہ تے ایس آئی ایف سی حکام نال ملاقاتیں متوقع ہن، ملاقاتوں اچ سرمایہ کاری، کاروباری تعاون تے نویں اقتصادی مواقع تے ڳالھ مہاڑ کیتی ویسی، دورے دے دوران وزارتِ تجارت، چیمبر آف کامرس اینڈ انڈسٹری تے ٻئیاں کاروباری تے صنعتی اداریاں نال وی ملاقاتاں تھیسن۔ وزارتِ آئی ٹی دے زیرِ اہتمام پی ایس ای بی، پاشا، نیشنل انکیوبیشن سینٹر تے ٹیکنالوجی اسٹارٹ اپس دے اشتراک نال آئی ٹی شعبے تے خصوصی بریفنگ تھیسی، امریکی وفد دفاع، ایرو اسپیس، خلائی ٹیکنالوجی، آئی ٹی، توانائی، صحت، معدنیات تے انفراسٹرکچر اچ سرمایہ کاری دے مواقع دا جائزہ گھنسی، وفد دے ارکان مشترکہ منصوبیاں، اے آئی، ٹیلی میڈیسن، معدنیات تے ڈیجیٹل انفراسٹرکچر اچ سرمایہ کاری اچ دلچسپی رکھیندن، اے دورہ پاک-امریکا اقتصادی تعلقات، غیر ملکی سرمایہ کاری، نجی شعبے دے تعاون تے کاروباری روابط کوں مزید مضبوط بݨاوݨ اچ اہم کردار ادا کریسی۔