اسلام آباد۔6 اکتوبر(اے پی پی)وفاقی وزیرِ مملکت برائے داخلہ سینیٹر طلال چوہدری واضح کیتے جو دہشتگردی دے خاتمے کیتے ٻݨایا ڳیا ’نیشنل ایکشن پلان‘ صرف کوئی عام انتظامی حکمتِ عملی نئیں ٻھل اے پاکستان دے آئین، ملکی سلامتی اتے قرآن و سنت دیاں انہاں تعلیمات نال ڳنڈھیا ہوئے جیندے نال اساں رہنمائی ڳھندے ہیں، کیوں جو اسلام ناحق خون وہاوݨ، فتنہ و فساد پھیلاوݨ اتے انسانی جاناں دے ضیان توں …
نیشنل ایکشن پلان کوئی عام انتظامی حکمتِ عملی نئیں، قرآن و سنت دی تعلیمات اتے آئین ملکی سلامتی نال ڳنڈھیا ہوئے، طلال چوہدری
اسلام آباد۔6 اکتوبر(اے پی پی)وفاقی وزیرِ مملکت برائے داخلہ سینیٹر طلال چوہدری واضح کیتے جو دہشتگردی دے خاتمے کیتے ٻݨایا ڳیا ’نیشنل ایکشن پلان‘ صرف کوئی عام انتظامی حکمتِ عملی نئیں ٻھل اے پاکستان دے آئین، ملکی سلامتی اتے قرآن و سنت دیاں انہاں تعلیمات نال ڳنڈھیا ہوئے جیندے نال اساں رہنمائی ڳھندے ہیں، کیوں جو اسلام ناحق خون وہاوݨ، فتنہ و فساد پھیلاوݨ اتے انسانی جاناں دے ضیان توں سختی نال روکیندے۔ پی ٹی وی ہیڈکوارٹرز اچ پریس کانفرنس کریندے وزیرِ مملکت داخلہ آکھیا جو دہشتگردی دے خلاف اے بیانیہ کہیں ہک شخص، ہک حکومتی جماعت یا کہیں خاص صوبے دا نئیں ٻھل پورے پاکستان اتے ایںدے 26 کروڑ عوام دا متفقہ موقف اے۔ انہاں آکھیا جو ایں قومی لائحہ عمل کوں پنجابی، پختون، سندھی یا بلوچ دے لسانی دائریاں اچ نئیں ونݙیا ونڄ سڳدا، اے پلان ریاستِ پاکستان دی بقا، امن، استحکام اتے آئینی تقاضیاں دے تحت ٻݨایا ڳیا ہئی، ڄیندیاں جڑاں اسلامی تعلیمات اتے شریعتِ مطہرہ دے اصولاں اچ لتھیاں ہوئن۔
