راولپنڈی۔6 اکتوبر(اے پی پی)خیبرپختونخوا اچ سکیورٹی فورسز وژن ’’عزمِ استحکام‘‘ دے تحت فتنہ الخوارج دے خلاف انٹیلی جنس بیسڈ آپریشن کریندے 5 خارجیاں کوں ہلاک اتے 2 کوں شدید زخمی کر ݙتے۔ سکیورٹی ذرائع دے مطابق فورسز شمالی وزیرستان اتے ایںدے نال دے علاقیاں اچ خوارج دیاں خفیہ پناہ گاہاں اتے نقل و حرکت تے مسلسل اکھ رکھی ہوئی ہئی۔ مصدقہ خفیہ معلومات دی بنیاد تے فورسز انہاں دے ٹھکانیاں …
شمالی وزیرستان اچ سکیورٹی فورسز دی کارروائی، 5 دہشت گرد ہلاک، 2 زخمی
مزید خبراں
راولپنڈی۔6 اکتوبر(اے پی پی)خیبرپختونخوا اچ سکیورٹی فورسز وژن ’’عزمِ استحکام‘‘ دے تحت فتنہ الخوارج دے خلاف انٹیلی جنس بیسڈ آپریشن کریندے 5 خارجیاں کوں ہلاک اتے 2 کوں شدید زخمی کر ݙتے۔ سکیورٹی ذرائع دے مطابق فورسز شمالی وزیرستان اتے ایںدے نال دے علاقیاں اچ خوارج دیاں خفیہ پناہ گاہاں اتے نقل و حرکت تے مسلسل اکھ رکھی ہوئی ہئی۔ مصدقہ خفیہ معلومات دی بنیاد تے فورسز انہاں دے ٹھکانیاں تے فیصلہ کن اتے موثر حملہ کیتا۔ کارروائی اچ شدید فائرنگ دے تبادلے اچ 5 دہشتگرد جہنم واصل تھئن اتے ݙو زخمی حالت اچ پکڑے ڳئے۔ ذرائع دا آکھݨ اے جو فورسز دہشت گرداں دی موجودگی والے مخصوص علاقیاں کوں گھیرے اچ گھن تے کلیئرنس آپریشن مکمل کیتے۔ سکیورٹی ذرائع موجب سکیورٹی فورسز قومی وژن ’عزمِ استحکام‘ دے تحت ملک توں دہشت گردی مکاوݨ اتے خطے اچ پائیدار امن کیتے پرعزم ہین اتے شرپسنداں کوں امن تباہ کرݨ دی اجازت نہ ݙتی ویسی۔
