اسلام آباد۔27جولائی (اے پی پی) وزیراعظم محمد شہباز شریف کیپٹن محمد سرور شہید (نشانِ حیدر) دے یومِ شہادت تے انھاں دی شجاعت، وطن نال بے لوث وفاداری تے جرأت مندی تے پوری قوم ولوں خراجِ عقیدت پیش کریندیں ہوئیں آکھیا جو کیپٹن محمد سرور شہید دا جذبہِ حب الوطنی، فرض شناسی تے میدانِ جنگ اچ لازوال قربانی آوݨ آلی نسلاں کیتے مشعلِ راہ اے۔ سنوار کوں وزیراعظم آفس دے میڈیا …
کیپٹن محمد سرور شہید دا جذبہِ حب الوطنی، فرض شناسی تے میدانِ جنگ اچ لازوال قربانی آوݨ آلی نسلاں کیتے مشعلِ راہ اے: وزیراعظم
اسلام آباد۔27جولائی (اے پی پی) وزیراعظم محمد شہباز شریف کیپٹن محمد سرور شہید (نشانِ حیدر) دے یومِ شہادت تے انھاں دی شجاعت، وطن نال بے لوث وفاداری تے جرأت مندی تے پوری قوم ولوں خراجِ عقیدت پیش کریندیں ہوئیں آکھیا جو کیپٹن محمد سرور شہید دا جذبہِ حب الوطنی، فرض شناسی تے میدانِ جنگ اچ لازوال قربانی آوݨ آلی نسلاں کیتے مشعلِ راہ اے۔ سنوار کوں وزیراعظم آفس دے میڈیا ونگ توں کیپٹن محمد سرور شہید (نشانِ حیدر) دے 78 ویں یومِ شہادت تے جاری سنیھے اچ وزیراعظم آکھیا جو پوری قوم وطن دے دفاع کیتے انھاں دی بے مثل تے عظیم قربانی کوں خراجِ عقیدت پیش کریندی اے، کیپٹن محمد سرور شہید آزادیِ کشمیر دی پہلی کشمیر جنگ 27 جولائی 1948 دے دوران دشمن دا تاریخی تے مثالی دلیری نال مقابلہ کریندیں ہوئیں جامِ شہادت نوش کیتا۔ وزیراعظم آکھیا جو کیپٹن محمد سرور شہید او پہلے پاکستانی ہن جنھاں کوں مادرِ وطن دی خاطر قربانی دے اعزاز اچ نشانِ حیدر نال نوازا ڳیا، کیپٹن محمد سرور شہید جنگ دے محاذ تے فرض شناسی، شجاعت، بہادری تے بہترین پیشہ ورانہ حکمتِ عملی دے تحت دشمن دا مقابلہ کریندیں ہوئیں تاریخ رقم کیتی۔ وزیراعظم آکھیا جو کیپٹن محمد سرور شہید جیھے بہادر سپوت اساݙا فخر تے پاکستان دے ناقابلِ تسخیر دفاع دی ضمانت ہن، کیپٹن محمد سرور شہید آپݨی جرأت، دلیری تے استقامت توں ثابت کیتا جو دفاعِ وطن اچ پوری قوم سیسہ پلائی دیوار اے۔ کیپٹن محمد سرور شہید دا جذبہِ حب الوطنی، فرض شناسی تے میدانِ جنگ اچ لازوال قربانی آوݨ آلی نسلاں کیتے مشعلِ راہ اے۔وزیراعظم آکھیا جو پوری قوم کوں کیپٹن محمد سرور شہید سمیت تمام بہادر شہداء تے فخر اے جنھاں مادرِ وطن دے دفاع اچ آپݨی قیمتی جاناں دا نذرانہ پیش کیتا۔
