اسلام آباد۔27جولائی (اے پی پی) سپیکر قومی اسمبلی سردار ایاز صادق کیپٹن راجہ محمد سرور شہید (نشانِ حیدر) کوں خراجِ عقیدت پیش کریندیں ہوئیں آکھیا جو انھاں وطن دے دفاع کیتے بے مثال جرات تے بہادری دا مظاہرہ کیتا، اے قربانی افواجِ پاکستان دی عظیم روایات دا روشن باب اے۔ اے ڳالھیں انھاں کیپٹن راجہ محمد سرور شہید (نشانِ حیدر) دی 78 ویں برسی دے موقع تے آپݨے سنیھے اچ …
سپیکر قومی اسمبلی دا کیپٹن راجہ محمد سرور شہید (نشانِ حیدر) کوں خراجِ عقیدت
اسلام آباد۔27جولائی (اے پی پی) سپیکر قومی اسمبلی سردار ایاز صادق کیپٹن راجہ محمد سرور شہید (نشانِ حیدر) کوں خراجِ عقیدت پیش کریندیں ہوئیں آکھیا جو انھاں وطن دے دفاع کیتے بے مثال جرات تے بہادری دا مظاہرہ کیتا، اے قربانی افواجِ پاکستان دی عظیم روایات دا روشن باب اے۔ اے ڳالھیں انھاں کیپٹن راجہ محمد سرور شہید (نشانِ حیدر) دی 78 ویں برسی دے موقع تے آپݨے سنیھے اچ آکھی۔ انھاں آکھیا جو 27 جولائی 1948 کوں آزاد کشمیر اچ مادرِ وطن دا دفاع کریندیں ہوئیں کیپٹن راجہ محمد سرور شہید جامِ شہادت نوش کیتا، کیپٹن راجہ محمد سرور شہید نشانِ حیدر دا اعزاز ڳھنݨ آلے پہلے شہید ہن، شہدا دی قربانیاں پاکستان دی آزادی، خودمختاری تے سلامتی دی ضمانت ہن۔ انھاں آکھیا جو قوم آپݨے عظیم شہدا دی قربانیاں کوں ہمیشہ احترام تے عقیدت نال یاد رکھیسی، کیپٹن راجہ محمد سرور شہید دا جذبہِ ایثار، فرض شناسی تے حب الوطنی نویں نسل کیتے مشعلِ راہ اے، افواجِ پاکستان ہمیشہ وطن دے دفاع کیتے لازوال قربانیاں پیش کیتن۔ انھاں آکھیا جو دفاعِ وطن کیتے جاناں دا نذرانہ پیش کرݨ آلے شہدا قوم دا فخر ہن، شہدا دی عظیم قربانیاں پاروں پاکستان اج محفوظ تے مضبوط اے۔ سپیکر سردار ایاز صادق کیپٹن راجہ محمد سرور شہید نشانِ حیدر دے درجات دی بلندی کیتے دعا کیتی۔
