عوامی آگاہی،وقتی تشخیص تے موثر علاج ہی صحت مند تے ہیپاٹائٹس توں پاک معاشرے دی ضمانت ہن، سید یوسف رضا گیلانی

اسلام آباد۔27جولائی (اے پی پی) چیئرمین سینیٹ سید یوسف رضا گیلانی آکھیا جو عوامی آگاہی، وقتی تشخیص تے موثر علاج ہی صحت مند تے ہیپاٹائٹس توں پاک معاشرے دی ضمانت ہن، پوری قوم ہیپاٹائٹس مکاوݨ کیتے متحد تھی تے کردار ادا کرے۔سینیٹ سیکرٹریٹ موجب عالمی یومِ ہیپاٹائٹس 2026 دے موقع تے اپݨے پیغام اچ چیئرمین سینیٹ آکھیا جو ہیپاٹائٹس متعلق آگاہی، تشخیص تے علاج تئیں رسائی اچ حائل رکاوٹاں دا خاتمہ ویلھے دی اہم لوڑھ اے۔ انھاں آکھیا جو ہیپاٹائٹس ہک خاموش مگر قابلِ تدارک مرض اے جیں دے مکمل خاتمے کیتے حکومت، طبی ماہرین، سول سوسائٹی تے عوام کوں سانجھیاں کوششاں کرݨیاں ہوسن تاں جو 2030 تئیں ایں کوں صحتِ عامہ کیتے خطرہ بݨݨ توں روکیا ونڄ سڳے۔چیئرمین سینیٹ شہریاں تے زور ݙتا جو او احتیاطی تدابیر ورتن ،وقتی ہیپاٹائٹس دا ٹیسٹ کراون تے ݙوجھیں کوں وی ایں حوالے نال ݙساون ۔ انھاں ایں عزم دا اعادہ کیتا جو سینیٹ صحتِ عامہ دے ودھارے تے ہر شہری کوں معیاری طبی سہولتاں ݙیوݨ کیتے موثر قانون سازی تے پالیسی سازی دی مکمل حمایت جاری رکھسی