وفاقی وزیرِ صحت سید مصطفیٰ کمال دا پاکستان انسٹی ٹیوٹ آف میڈیکل سائنسز اچ 200 بیڈز تے مشتمل زیرِ تکمیل جدید ایمرجنسی سینٹر دا دورہ

اسلام آباد۔27جولائی (اے پی پی) وفاقی وزیرِ صحت سید مصطفیٰ کمال پاکستان انسٹی ٹیوٹ آف میڈیکل سائنسز (پمز) اچ 200 بیڈز تے مشتمل زیرِ تکمیل جدید ایمرجنسی سینٹر دا دورہ کیتا جیڑھا تکمیل دے چھیکڑی مرحلے اچ اے۔دورے دے دوران ہسپتال انتظامیہ وفاقی وزیر کوں منصوبے دی پیش رفت، دستیاب طبی سہولتاں تے تعمیراتی و تکنیکی امور تے تفصیلی بریفنگ ݙتی۔ بریفنگ اچ ݙسایا ڳیا جو جدید طرز تے تعمیر کیتا ونڄݨ آلا اے سٹیٹ آف دی آرٹ ایمرجنسی سینٹر وقتی فعال تھیوݨ کیتے تیار اے۔وفاقی وزیرِ صحت ہدایت کیتی جو عمارت دی صفائی، فنشنگ تے سارے تکنیکی امور کوں اعلیٰ ترین معیار موجب مکمل کیتا ونڄے تاں جو منصوبے کوں وقتی عوام کیتے کھولیا ونڄ سڳے۔ انھاں منصوبے دے پی سی-4 دی تکمیل دے عمل اچ وی مزید تیزی گھن آوݨ دی ہدایت کیتی۔مصطفیٰ کمال آکھیا جو پمز ہسپتال تے مریضاں دا ٻوجھ زیادہ اے، ایں کیتے نویں ایمرجنسی سینٹر دا وقتی فعال تھیوݨ ویلھے دی اہم لوڑھ اے۔ انھاں آکھیا جو حکومت عوام کوں وقتی تے معیاری ایمرجنسی طبی سہولتاں ݙیوݨ کیتے عملی اقدامات کریندی پئی اے تے پمز اچ قائم تھیوݨ آلا اے جدید ایمرجنسی سینٹر ایں سلسلے اچ ہک اہم سنگِ میل ثابت تھیسی۔بریفنگ موجب نویں ایمرجنسی سینٹر اچ 30 بیڈز تے مشتمل سرجیکل آئی سی یو، 10 بیڈز تے مشتمل میڈیکل آئی سی یو، ݙو جدید آپریشن تھیٹرز تے ݙو مائنر آپریشن تھیٹرز بݨائے ڳئن جیڑھے ایمرجنسی مریضاں کوں جدید طبی سہولتاں ݙیوݨ اچ کردار ادا کریسن