وفاقی وزیرِ تعلیم ڈاکٹر خالد مقبول صدیقی دی مائیکل جیمز بامگارٹنر تے ریان کیتھ زنکے نال ملاقات

اسلام آباد۔27جولائی (اے پی پی) وفاقی وزیر تعلیم و پیشہ وارانہ تربیت ڈاکٹر خالد مقبول صدیقی امریکہ دی ریاست واشنگٹن دے پنجویں کانگریشنل ضلع دے نمائندے کانگریس مین مائیکل جیمز بامگارٹنر تے ریاست مونٹانا دے پہلے کانگریشنل ضلع دے نمائندے تے سابق امریکی وزیرِ داخلہ کانگریس مین ریان کیتھ زنکے نال ݙوطرفہ ملاقات کیتی۔ ایں موقع تے وزیرِ مملکت وفاقی تعلیم و پیشہ وارانہ تربیت وجیہہ قمر، نیشنل ووکیشنل اینڈ ٹیکنیکل ٹریننگ کمیشن (نیوٹیک) دے چیئرمین قمرالاسلام راجہ، وزارت دے سیکرٹری تے ٻئے اعلیٰ حکام وی موجود ہن۔ملاقات اچ سائبر سکیورٹی دی تعلیم تے استعدادِ کار اچ ودھارے دے شعبے اچ تعاون دے موقع تے تفصیلی ڳالھ مہاڑ کیتی ڳئی۔ وفاقی وزیر ایں ڳالھ تے زور ݙتا جو ابھردے ہوئے ڈیجیٹل سکیورٹی چیلنجز نال نبڑݨ کیتے طلبہ تے پیشہ ور لوکاں کوں جدید مہارتاں نال آراستہ کرݨ دی غرض نال سائبر سکیورٹی دے خصوصی کورسز تے سرٹیفیکیشن پروگرامز تیار کیتے ونڄن۔ ݙوہیں فریقاں پاکستان تے امریکہ دی جامعات تے تعلیمی اداریں وچال نصاب دی تیاری، فیکلٹی تعاون، مشترکہ تحقیق تے سائبر سکیورٹی سودھے ابھردیاں ہوئیاں ٹیکنالوجیز اچ علمی تبادلے دے ودھارے اچ وی دلچسپی دا اظہار کیتا۔وفاقی وزیرامریکی کانگریسی وفد کوں پاکستان آوݨ تے خوش آمدید آکھیا تے ایں امید دا اظہار کیتا جو اے دورہ پاکستان تے امریکہ دے پراݨے تعلقات کوں مزید تکڑا بݨاوݨ اچ معاون ثابت تھیسی۔ حکومتِ پاکستان ایں امر دا اعادہ کیتا جو امریکہ دے نال تعلقات ایں دی خارجہ پالیسی دا ہک اہم ستون ہن تے ایں ڳالھ تے اطمینان دا اظہار کیتا جو ݙوہیں ملکاں دے تعلقات مثبت سمت اچ اڳوں ودھدے پئن۔ ݙوہیں طرفوں ایں ڳالھ تے زور ݙتا ڳیا جو اعلیٰ سطحی رابطے دا تسلسل برقرار رکھیا ونڄے تاں جو تجارت، سرمایہ کاری، توانائی، معدنیات، صحت، تعلیم تے زراعت سودھے سانجھی دلچسپی دے شعبیں اچ تعاون کوں مزید وسعت ݙتی ونڄ سڳے۔وفاقی وزیر کانگریسی وفد دے دوریں دی بحالی دا خیرمقدم کریندیں امید ظاہر کیتی جو ایجھے تبادلے مستقبل اچ وی باقاعدگی نال جاری رہسن۔ ملاقات اچ ایں امر تے زور ݙتا ڳیا جو تعلیمی تعاون پاکستان تے امریکہ دے ݙوطرفہ تعلقات دی بنیاداں اچوں ہک اہم ستون اے۔ وفاقی وزیر فل برائٹ پروگرام تے امریکہ دے ٻئے تعلیمی تبادلہ پروگراماں دی کامیابی دی تعریف کیتی مکمل طور تے فنڈڈ، میرٹ تے مبنی تے پاکستان دے طلبہ و محققین کیتے امریکہ پاکستان تعلیمی فاؤنڈیشن دے ذریعے دستیاب ہن۔ انھاں سارے صوبیں تے مختلف تعلیمی شعبیں خصوصاً توانائی، پاݨی، زراعت، صحت، تعلیم تے موسمیاتی تبدیلی متعلق مطالعات اچ ودھ توں ودھ شرکت دی حوصلہ افزائی کیتی۔ ایں موقع تے ݙسایا ڳیا جو 44 ہزار توں ودھ پاکستانی امریکی حکومت دے مختلف تعلیمی تبادلہ پروگراماں توں ستفید تھی چکن جو انسانی وسائل دی ترقی تے عوامی رابطے دے وداھرے اچ ھک اہم سرمایہ کاری دی عکاسی کریندے