صدرِ مملکت دا قلات اچ فتنہ الہندوستان دے 12 دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔ 04 ستمبر (اے پی پی) صدرِ مملکت آصف علی زرداری قلات اچ انٹیلی جنس بنیاد تے کارروائی دے دوران بھارتی پراکسی فتنہ الہندوستان دے 12 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ جمعے کوں ایوانِ صدر دے پریس ونگ توں جاری بیان دے مطابق صدرِ مملکت آکھیا جو بیرونی سرپرستی اچ تھیوݨ آلی دہشت گردی دے مکمل خاتمے کیتے سکیورٹی فورسز تے قانون نافذ کرݨ آلے اداریاں دی مسلسل کارروائیاں قابلِ تحسین ہن۔ انہاں آکھیا جو دہشت گردی دے ناسور کوں ہر قیمت تے شکست ݙتی ویسی۔ صدرِ مملکت آکھیا جو پوری قوم دہشت گردی دے خلاف جنگ اچ آپݨی سکیورٹی فورسز دے نال کھڑی اے۔