بلوچستان دے ضلع قلات اچ انٹیلی جنس بنیاد تے کارروائی دے دوران 12 دہشت گرد ہلاک، آئی ایس پی آر

راولپنڈی۔ 04 ستمبر (اے پی پی) سکیورٹی فورسز صوبہ بلوچستان دے ضلع قلات اچ انٹیلی جنس بنیاد تے کارروائی دے دوران 12 دہشت گرداں کوں ہلاک کر ݙتے۔ پاک فوج دے شعبہ تعلقات عامہ (آئی ایس پی آر) توں جاری بیان موجب 2 ستمبر کوں سکیورٹی فورسز بلوچستان دے ضلع قلات اچ بھارتی پراکسی ‘فتنہ الہندوستان’ نال منسلک دہشت گرداں دی موجودگی دی خفیہ معلومات دی بنیاد تے کارروائی کیتی۔ کارروائی دے دوران دہشت گرداں دے ٹھکاݨے دی نشاندہی تے نگرانی کیتی ڳئی تے سکیورٹی فورسز فوری ‘سرجیکل ایکشن’ دے ذریعے ایں کوں تباہ کر ݙتا جیندے نتیجے اچ بھارت دے حمایت یافتہ سارے 12 دہشت گرد ہلاک تھی ڳئن ۔ اسلحے دا ذخیرہ تے دیسی ساختہ دھماکہ خیز آلات وی موقع تے ہی تباہ کر ݙتے ڳئے ۔ علاقے اچ موجود کہیں وی ٻئے بھارتی حمایت یافتہ دہشت گرد کوں مکاوݨ کیتے تلاشی تے سینیٹائزیشن آپریشن جاری اے۔ ملک توں غیر ملکی حمایت یافتہ دہشت گردی دے ناسور کوں منڈھوں مکاوݨ کیتے سکیورٹی فورسز تے قانون نافذ کرݨ آلے اداریں دی طرفوں “عزمِ استحکام” دے وژن دے تحت انسدادِ دہشت گردی دی بھرپور مہم پوری رفتار نال جاری رہسی۔