اسلام آباد۔ 04 ستمبر(اے پی پی)نائب وزیرِ اعظم و وزیرِ خارجہ اسحاق ڈار دی زیرِ صدارت وزارتِ خارجہ اچ اجلاس تھئے جیندے اچ حالیہ سفارتی سرگرمیاں دا جائزہ گھدا ڳیا۔ اجلاس اچ نائب وزیرِ اعظم دے اڄوکے غیر ملکی دوریاں اچ طے پاوݨ والی مفاہمت اتے پیش رفت دا وی جائزہ گھدا ڳیا۔ ایں موقع تے پاکستان دی خارجہ پالیسی دیاں ترجیحاں، حالیہ سفارتی رابطیاں دے اہم نتائج اتے آئندہ …
اسحاق ڈار دی زیرِ صدارت اجلاس، حالیہ سفارتی سرگرمیاں تے آئندہ ترجیحاں دا جائزہ
اسلام آباد۔ 04 ستمبر(اے پی پی)نائب وزیرِ اعظم و وزیرِ خارجہ اسحاق ڈار دی زیرِ صدارت وزارتِ خارجہ اچ اجلاس تھئے جیندے اچ حالیہ سفارتی سرگرمیاں دا جائزہ گھدا ڳیا۔ اجلاس اچ نائب وزیرِ اعظم دے اڄوکے غیر ملکی دوریاں اچ طے پاوݨ والی مفاہمت اتے پیش رفت دا وی جائزہ گھدا ڳیا۔ ایں موقع تے پاکستان دی خارجہ پالیسی دیاں ترجیحاں، حالیہ سفارتی رابطیاں دے اہم نتائج اتے آئندہ سفارتی سرگرمیاں تے غور کیتا ڳیا۔ نائب وزیرِ اعظم اسحاق ڈار متعلقہ حکام کوں ترجیحی امور اتے موثر رابطہ کاری تے فالو اَپ دی ہدایت کیتی۔ اجلاس اچ سیکرٹری خارجہ سفیر آمنہ بلوچ، ایڈیشنل سیکرٹری خارجہ برائے اقوامِ متحدہ سفیر نبیل منیر اتے وزارتِ خارجہ دے سینئر افسراں شرکت کیتی۔
