خیبر پختونخوا اچ 3 توں 5 ستمبر آپریشناں دے دوران فتنۃ الخوارج دے 21 خوارجی جہنم واصل کیتے ڳئے، آئی ایس پی آر

راولپنڈی۔ 06 ستمبر (اے پی پی) خیبر پختونخوا اچ 3 توں 5 ستمبر 2026ء مختلف آپریشناں دے دوران بھارتی سرپرستی اچ کم کرݨ آلے فتنۃ الخوارج نال تعلق رکھݨ آلے 21 خوارجی جہنم واصل کر ݙتے ڳئن۔ پاک فوج دے شعبۂ تعلقاتِ عامہ (آئی ایس پی آر) دی اتوار کوں جاری پریس ریلیز دے مطابق 31 اگست / یکم ستمبر 2026ء دی رات کوں ضلع شمالی وزیرستان اچ پاکستان تے افغانستان دی سرحد دے قریب سکیورٹی فورسز کامیاب کارروائی دے بعد علاقے اچ لُکیے ٻئے 10 خوارج کوں جہنم واصل کیتا ڄیندے نال دراندازی دی کوشش اچ ماریے ڳئے خوارج دی کل تعداد ودھ تے 25 تھی ڳئی۔ مزید برآں شمالی وزیرستان اچ پاکستان تے افغانستان دی سرحد دے نال ہک ٻئے مقابلے اچ خوارج دے ہک گروپ دی نقل و حرکت کوں سکیورٹی فورسز پکڑیا اتے موثر طریقے نال کارروائی کریندیں ہوئیں 7 خوارجیاں کوں جہنم واصل کر ݙتا۔ آئی ایس پی آر دے مطابق مشترکہ کارروائیاں دے دوران کوہاٹ تے ڈیرہ اسماعیل خان دے ضلعیاں اچ ݙو مختلف مقابلیاں اچ موثر طریقے نال ٻئے 4 خوارج کوں مار ݙتا ڳیا۔ انہاں آکھیا جو پاکستان، افغانستان سرحد دے نال ولا ولا تھیوݨ آلے انہاں واقعیاں ہک وار ٻیا افغان طالبان حکومت ولوں سرحد پار دہشت گردی کیتے افغان سرزمین کوں دہشت گرد تنظیماں دی سرپرستی اچ استعمال تھیوݨ توں روکݨ اچ ناکامی دے حوالے نال پاکستان دے مستقل موقف دی تصدیق کیتی اے۔ افغانستان دی طالبان حکومت موثر بارڈر مینجمنٹ کوں یقینی بݨاوݨ تے انسدادِ دہشت گردی دی آپݨی بین الاقوامی ذمہ واریاں کوں پورا کرݨ اچ مسلسل ناکام رہی اے۔ آئی ایس پی آر آکھیا جو پاکستان دی سکیورٹی فورسز ملک دیاں سرحداں دے دفاع کیتے غیر متزلزل تے پرعزم ہن۔ انہاں دا آکھݨ اے جو پاکستانی سکیورٹی فورسز تے قانون نافذ کرݨ آلے اداریاں ولوں وژن ’’عزمِ استحکام‘‘ (ڄیندے دی نیشنل ایکشن پلان تے عملدرآمد دے حوالے نال وفاقی سپریم کمیٹی ولوں منظوری ݙتی ڳئی اے) دے تحت انسدادِ دہشت گردی دی مہم دے ذریعے علاقے اچ موجود کہیں وی ٻئے بھارتی سپانسرڈ خوارجی کوں مکاوݨ کیتے سینیٹائزیشن آپریشن کیتا ویندا پئے تانجو دہشت گردی دے خطرے تے غیر ملکی حمایت یافتہ دہشت گرد عناصر دے خاتمے دی مہم کوں پوری شد و مد دے نال جاری رکھیا ونڄ سڳے۔