یومِ دفاع تے شہدا، آئی ایس پی آر دا جذبۂ حب الوطنی نال سرشار قومی نغمہ “منزل پاکستان” جاری

راولپنڈی۔ 06 ستمبر (اے پی پی) آئی ایس پی آر یومِ دفاع تے شہدا تے جذبۂ حب الوطنی نال سرشار ولولہ انگیز قومی نغمہ ’’منزل پاکستان‘‘ جاری کر ݙتے۔ آئی ایس پی آر دا نغمہ قوم دے فولادی عزم، ثابت قدمی تے قومی حوصلے دی عکاسی کریندے، ترانے اچ وطن دے عظیم شہدا دیاں لازوال قربانیاں کوں خراجِ عقیدت پیش کیتا ڳئے۔ یومِ دفاع و شہدا دی مناسبت نال جاری آئی ایس پی آر دے نغمے اچ مسلح افواج دے عوام دے نال اٹوٹ رشتے کوں بھرپور سراہیا ڳئے۔ ’’منزل پاکستان‘‘ ہر شہری کوں آپݨے عہد تے ݙٹ ونڄݨ تے وطنِ عزیز دی ترقی تے استحکام کوں آپݨا اولین تے حتمی نصب العین بݨاوݨ دا درس ݙیندے۔ یومِ دفاع و شہدا تے جاری نغمہ مادرِ وطن کیتے بے لوث محبت، جانثاری تے جذبۂ ایثار تے وفاداری دا سنیھا ݙیندے۔