لاہور۔ 07 ستمبر (اے پی پی) وزیرِاعلیٰ پنجاب مریم نواز شریف یومِ فضائیہ دے موقع تے پاکستان ایئر فورس دے شہداء تے غازیاں کوں خراجِ عقیدت پیش کریندے پاک فضائیہ دے شاہیناں تے جانبازاں کوں سلام پیش کیتے۔ اپݨے خصوصی پیغام اچ وزیرِاعلیٰ مریم نواز شریف شہداء دے درجات دی بلندی تے انہاں دے اہل خانہ کیتے خصوصی دعا کیتی۔ انہاں آکھیا جو یومِ فضائیہ تے پاک فضائیہ دے …
وزیرِاعلیٰ مریم نواز دا یومِ فضائیہ تے پاکستان ایئر فورس دے شہداء تے غازیاں کوں خراجِ عقیدت
مزید خبراں
لاہور۔ 07 ستمبر (اے پی پی) وزیرِاعلیٰ پنجاب مریم نواز شریف یومِ فضائیہ دے موقع تے پاکستان ایئر فورس دے شہداء تے غازیاں کوں خراجِ عقیدت پیش کریندے پاک فضائیہ دے شاہیناں تے جانبازاں کوں سلام پیش کیتے۔ اپݨے خصوصی پیغام اچ وزیرِاعلیٰ مریم نواز شریف شہداء دے درجات دی بلندی تے انہاں دے اہل خانہ کیتے خصوصی دعا کیتی۔ انہاں آکھیا جو یومِ فضائیہ تے پاک فضائیہ دے شاہیناں دی پیشہ ورانہ صلاحیتاں، جرأت تے بہادری کوں خراجِ تحسین پیش کریندوں۔ مریم نواز شریف آکھیا جو راشد منہاس شہید سودھے پاک فضائیہ دے شاہیناں فضاواں اچ جرأت، شجاعت تے بہادری دیاں لازوال داستاناں رقم کیتیاں۔ گزریل سال مئی اچ پاک فضائیہ دشمن دے 8 جدید ترین جنگی طیارے سٹ تے سبز ہلالی پرچم کوں سربلند کیتا۔ وزیرِاعلیٰ آکھیا جو یومِ فضائیہ قومی اتحاد، غیر متزلزل عزم تے حب الوطنی دے جذبے دی علامت اے۔ پاکستان دی فضائی سرحداں دی حفاظت تے دفاعِ وطن کیتے پاکستان ایئر فورس دا کردار ناقابلِ فراموش اے
