اسلام آباد۔ 07 ستمبر (اے پی پی) سپیکر قومی اسمبلی سردار ایاز صادق پاک بحریہ دے شہداء و غازیاں کوں خراجِ عقیدت پیش کریندے آکھیے جو پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے۔ یومِ بحریہ دے موقع تے اپݨے پیغام اچ انہاں آکھیا جو اے ݙینہہ اساکوں پاک بحریہ دے انہاں بہادر سپوتاں دیاں قربانیاں …
پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے، سپیکر قومی اسمبلی سردار ایاز صادق
مزید خبراں
اسلام آباد۔ 07 ستمبر (اے پی پی) سپیکر قومی اسمبلی سردار ایاز صادق پاک بحریہ دے شہداء و غازیاں کوں خراجِ عقیدت پیش کریندے آکھیے جو پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے۔ یومِ بحریہ دے موقع تے اپݨے پیغام اچ انہاں آکھیا جو اے ݙینہہ اساکوں پاک بحریہ دے انہاں بہادر سپوتاں دیاں قربانیاں تے خذمتاں دی یاد ݙویندے جنہاں وطن دے دفاع کیتے اپݨی جاناں دا نذرانہ پیش کیتا۔ سپیکر سردار ایاز صادق 1965ء دی جنگ اچ پاک بحریہ دی کارکردگی کوں خراجِ تحسین پیش کریندے آکھیا جو آپریشن دوارکا پاک بحریہ دی تاریخ دا ہک درخشاں باب اے جیندے اچ دشمن دی اہم ساحلی تنصیبات تے ریڈار سٹیشن کوں نشانہ بݨایا ڳیا۔ انہاں آکھیا جو ایں جنگ دے دوران آبدوز غازی بحری محاذ تے اپݨی آپریشنل ذمہ واریاں موثر انداز اچ انجام ݙیندے دشمن دی بحری نقل و حرکت کوں محدود رکھیا۔ سپیکر قومی اسمبلی آکھیا جو معرکہ حق دے دوران وی پاک بحریہ ملکی سمندری حدود دے تحفظ تے قومی دفاع کیتے اپݨی ذمہ واریاں بھرپور انداز اچ انجام ݙتیاں۔ انہاں آکھیا جو چیف آف نیول سٹاف ایڈمرل نوید اشرف دی قیادت اچ پاک بحریہ پیشہ ورانہ مہارت، عزم تے بہادری دا مظاہرہ کریندے ملکی دفاع تے سلامتی دے تحفظ اچ بھرپور کردار ادا کیتا۔ انہاں آکھیا جو افواجِ پاکستان دی مشترکہ پیشہ ورانہ صلاحیت، سانجھے تعاون تے قومی جذبے ثابت کیتا جو پاکستان اپݨی خودمختاری تے علاقائی سالمیت دے دفاع دی مکمل صلاحیت رکھیندے
