وفاقی وزیرِ داخلہ اسلام آباد پولیس دے جدید کمانڈ، کنٹرول، کمیونیکیشن اینڈ کوآرڈینیشن سینٹر دا افتتاح کر ݙتے

اسلام آباد۔ 08 ستمبر (اے پی پی) وفاقی وزیرِ داخلہ محسن نقوی اسلام آباد پولیس دے جدید کمانڈ، کنٹرول، کمیونیکیشن اینڈ کوآرڈینیشن سینٹر دا افتتاح کر ݙتے۔ نویں کمانڈ اینڈ کنٹرول سینٹر توں آئی جی اسلام آباد آپݨے دفتر توں سیف سٹی، پولیس آپریشنز تے شہر اچ امن و امان دی صورتحال کوں براہِ راست مانیٹر تے کمانڈ کر سڳسن۔ تقریب نال خطاب کریندیں ہوئیں وفاقی وزیرِ داخلہ محسن نقوی آکھیا جو ایں جدید سینٹر توں اسلام آباد پولیس دی کمانڈ، مانیٹرنگ، کوآرڈینیشن تے فوری فیصلہ سازی دے نظام اچ نمایاں بہتری آسی۔ سیف سٹی سمیت پولیس دے تمام اہم آپریشنل نظام ہک مرکزی کمانڈ اینڈ کنٹرول پلیٹ فارم نال منسلک ہوسن، کہیں وی ہنگامی یا سکیورٹی صورتحال اچ آئی جی اسلام آباد براہِ راست صورتحال مانیٹر کر تے فوری احکامات جاری کر سڳسن۔ وزیرِ داخلہ محسن نقوی آکھیا جو جدید اے آئی تے ٹیکنالوجی بیسڈ سسٹمز توں پولیس دی کارکردگی، رسپانس ٹائم تے فیلڈ فورس دی مانیٹرنگ ٻیا موثر ہوسی۔ وفاقی وزیرِ داخلہ سینٹر دے مختلف حصیاں دا معائنہ کیتا تے جدید مانیٹرنگ تے کمانڈ سسٹم دا جائزہ گھدا۔ وفاقی وزیرِ داخلہ کوں سیف سٹی دے نال مربوط نظام، پولیس آپریشنز، فیلڈ فورس دی مانیٹرنگ، ایمرجنسی رسپانس تے جدید اے آئی بیسڈ ٹیکنالوجی بارے بریفنگ ݙتی ڳئی۔ وزیرِ داخلہ آکھیا جو نویں سینٹر دا بنیادی مقصد آئی جی اسلام آباد کوں ہکی ڄاہ توں پوری اسلام آباد پولیس دی موثر کمانڈ تے مانیٹرنگ دی سہولت فراہم کرݨ اے۔ ایں جدید نظام توں پولیس دے مختلف یونٹاں دے درمیان رابطہ تے کوآرڈینیشن ٻیا بہتر تھیسی، کہیں وی واقعے یا ہنگامی صورتحال اچ بروقت معلومات، فوری فیصلہ سازی تے تیز رفتار پولیس رسپانس ممکن ہوسی۔ محسن نقوی آکھیا جو جدید ٹیکنالوجی دے ذریعے پولیس دی کمانڈ، مانیٹرنگ تے احتساب دے نظام کوں ٻیا مضبوط بݨاوݨ اے۔ ایں سینٹر توں فیلڈ اچ پولیس دی کارکردگی دی موثر نگرانی وی ممکن تھیسی۔ شہریاں دا تحفظ، پولیس دی کارکردگی اچ بہتری اتے اسلام آباد اچ امن و امان دا قیام اساݙی اولین ترجیح اے۔ ایں موقع تے آئی جی اسلام آباد پولیس، ڈی جی آئی جی اسلام آباد تے ٻئے متعلقہ افسران وی موجود ہن۔